جیگر ڕەشید هەرکی
بلند و پیرۆزبیت ساڵیادا شوڕەشا ئەیلولا مەزن ، ل ۱۱ ی ئەیلولا ساڵا ۱۹٦۱ ێ شوڕەشا مەزنا ئەیلولێ ب ڕابەرایەتیا بابێ ڕوحیێ نەتەوا کورد (مستەفا بارزانی) و هەڤاڵێن دگەلدا بەرپابوو ،
ئەڤ شوڕەشا مەزن پشتی ئەو هەمی كارێن شوفێنی و نەهامەتی و دەردەسەری و زوڵم و ستەمانە هات یێن كو حكومەتێن زوردار یێن عێراقێ بسەرێ کورد و کوردستانێ د ئینان و نەدهێلا کورد ئارام و خودان ماف و بریاردان بن، ئەوان ئەزمانێ شرینێ دایكێ و ئاخڤتن ب كوردی ل كوردان حەرامکربوو کوشتن و برین و تاڵانکرن و ئەنفال لسەر کوردان حەڵال كربوو، ڕۆژ نەبوو ل ژێڕ گورمەگورما توپ و دەنگێ فڕۆكا ناوچەیەكا کوردی نەهێتە توپارانكرن و دویكێلێ لێ بلند نەكەن ، دناڤ وان نەخوشی و مەینەتێدا گەنج و ڵاوێن کورد د بوونە قوربانی و شەهید دبوون بدەستێ حکومەتا شوفێنیا عێراقێ، ئەڤێ چەندێ وەكر رێبەر و ڕێنیشاندەرێ مەزنێ كوردان (مستەفا بارزانی نەمر) دگەڵ كومەكا هاڤال و هەڤسەنگەرێن پێشمەرگە بیر بەرپاكرنا شورەشەكا جەماوەری و سەرانسەری و مەزن بکەنەوە بو هندێ دا کورد و کوردستانی ل دەست وان ئەم حکومەتێن زوردار رزگاربکەن و هیڤی و ئومێدا بو گەلێ کورد و كوردستانێ بگەریننەوە.
ئەوبوو ل ۱۱ی ئەیلولا ساڵا ۱۹٦۱ێ ب سەرکردایەتیا مەلا مستەفا بارزانی سەروکێ پارتی دیموکراتی کوردستان شورەشا مەزنا ئەیلولێ بەرامبەری حكومەتا فاشتا عێراقێ بەرپابوو ، ل ڤی شەڕێ مەزن و دڤێ شوڕەشا جەماوەری و مەزن پێشمەرگەهێن قەهرەمان و دڵێر یێن کوردستانێ ل ژێر سلوگانێ "کوردستان یان نەمان" بەرگریەكا بهێز و توکمە بەرامبەر ب هێزا دوژمنان نیشاندا و شیان گورزەكا مەزن و ژ ناڤبەر ب ڕوویێ دوژمنان بوەشینن و سەركەفتنەكا مەزن بسەردا تۆماربکەن ، ئەڤە بۆیە سەرکەفتنەكا مەزن یا کوردان د مێژوویا كوردایەتیێدا بەرامبەر مەزنترین دوژمن.
شورەشا مەزنا ئەیلولا پێشكەفتنخواز پربایەخترین شورەشا کوردی بوو ، چونکی ئێكەم شورەشا سەرانسەری بو ب هەمی چین و توێژانڤە ب ڕابەرایەتیا مستەفا بارزانی ڕێككەفتن و بەیاننامەیا ۱۱ی ئادارا ساڵا ۱۹۷۰ ژێ
بەرهەم ب ئینن كو بوو دۆماهیك جار حكومەتا عێراقێ ئینا ژێر باری و مافێ (ئوتونومی) بو کورد و چەندین بڕیارێن دی بەرقرارکرن ، ئەڤە د مێژوویا کوردستانێدا بویه خالەكا زێرین و موعجیزەیەكا مەزن كو دوژمن نەچاركری دان ب مافێ ئوتونومی دانێت بو کورد و كوردستانێ.
ل دۆماهیێدا هزار سلاڤ لسەر گیانێ پاقژێ شەهیدێن شورەشا ئەیلول و هەمی شەهیدێن دی یێن بزاڤا ڕزگاریخوازیا کوردستانێ.