ئاکرێ نیوز
وەزارەتا ساخلەمییا حكومەتا هەرێما كوردستانێ ڕاگەهاند، د. سامان بەرزنجی، وەزیرێ ساخلەمییێ ئەڤرۆ دەمژمێر 7 سپێدێ سەرەدانا محەمەد عەدنان، ئێک ژ بریندارێن خۆنیشاندانا کەرکووكێ یێ تەمەن 31 سالی كر.
وەزارەتا ساخلەمییێ دیاركر، ل سەر فەرمانا سەرۆك بارزانی و ژبەر نەجێگیربوونا ڕەوشا ساخلەمییا وی، دێ ژ باژێرێ كەركووكێ بۆ هەولێرێ هێتە ڤەگوهاستن ب مەرەما چارەسەركرن، هایداربوون، دویڤچوونا ڕەوشا ساخلەمییێ، پێشكێشكرنا باشترین خزمەتگوزارییێن پزیشكی و وەرگرتنا چارەسەرییێ ل پشكا چاڤدێرییا چر ل نەخۆشخانەیا باژێرێ هەولێرێ بۆ بهێنه ئاراسته‌كرن.