ئاکرێ نیوز
سەرۆكێ حكومەتا هەرێما كوردستانێ 109 ملیار دینار بۆ پرۆژەیێ ئاڤا ئاكرێ تەرخانكرینە، رێڤه‌به‌رێ پرۆژه‌ى ژى دبێژیت : ژلایێ سه‌رۆكێ حكومه‌تێ ڤه دووڤچوون و پشته‌ڤانییا به‌رده‌وامبوونا پرۆژه‌ى دهێته‌كرن.
هه‌وار حه‌مه ئه‌مین، رێڤه‌به‌رێ پرۆژه‌یێ ئاڤا ئاكرێ دیاركر، د كابینه‌یا نه‌هێدا چه‌ندین پرۆژه‌یێن ستراتیجى ل سه‌ر ئاستێ هه‌رێما كوردستانێ هاتینه بجهئینان، پشكه‌كا وان پلان بۆ هاتییه دانان كو بهێنه بجهئینان، پرۆژه‌یێ ستراتیجییێ ئاڤا ئاكرێ، ژلایێ سه‌رۆكێ حكومه‌تێڤه دووڤچوون بۆ هاتییه كرن و پشته‌ڤانییا به‌رده‌وامبوونا پرۆژه‌ى هاتییه كرن، هه‌تاكو ئاڤا پاقژ بۆ خه‌لكێ ده‌ڤه‌را ئاكرێ و ده‌وروبه‌ررێن وێ دهێته دابینكرن.
فه‌رمانگه‌ها میدیا و زانیارییان یا حكومه‌تا هه‌رێما كوردستانێ ئاشكراكر، مه‌سرور بارزانی سه‌رۆكێ حكومه‌تا هه‌رێما كوردستانێ 109 ملیار بۆ ئه‌وى پرۆژه‌ى ته‌رخانكرینه.
پرۆژه‌یێ ئاڤا ئاكرێ ئێك ژ پرۆژه‌یێن ستراتیجی و مه‌زن یێن ئاڤێ یه ل هه‌رێما كوردستانێ كو ل سه‌ر زێی مه‌زن دهێته دروستكرن و دێ ئاڤا پاقژ بۆ ئاكنجییێن ئاكرێ و گوندێن ده‌وروبه‌رێن وێ دابین كه‌ت و ئاریشه‌یا كێم ئاڤییا سنۆرى بنبركهت.
كاركرن ل سه‌ر پرۆژه‌ى ده‌ستپێكرییه، ب درێژاهییا 114 كیلۆمه‌تران بۆرى دێ هێنه راكێشان و بریاره د ماوێ 14 هه‌یڤاندا بهێته تمامكرن، پرۆژه ب مفا وه‌رگرتن ژ ئاڤا ل سه‌ر ئه‌ردى، د ئێك رۆژ دا دێ 72 هزار میترێن سیجا یێن ئاڤا پاقژ به‌رهه‌مئینیت.