بڕیاره ئه‌ڤرۆ په‌ڕله‌مانێ ئیراقێ كۆم ببیت و پرۆژه‌یاسایا پارێزگه‌هه‌بوونا هه‌له‌بجه بێخیته به‌ر ده‌نگدانێ.
ل گۆره‌ى كارنامه‌یا روونشتنا جڤاتا نوونه‌رێن ئیراقێ، د كۆمبوونا ئه‌ڤرۆ دا دێ خواندن بۆ هژماره‌كا پرۆژه‌یاسایان هێته‌كرن، ده‌نگدان ب پرۆژه یاسایا پارێزگه‌هبوونا هه‌له‌بجه ژى د بڕگه‌یا پێنجێ دایه و بڕیاره هه‌له‌بجه وه‌كو پارێزگه‌ها 19ێ یا ئیراقێ بهێته ناساندن.
هه‌فتیا بۆرى ژى، ده‌نگدان لسه‌ر هه‌مان پرس د كارنامه‌یا كۆمبوونێ دا بوو، لێ هژماره‌كا ئالییێن تركومانى و عه‌ره‌بى خواست پارێزگه‌هه‌بوونا ته‌له‌عفر ژى بكه‌ڤیته د كارنامه‌یا كۆمبوونێ دا. ژبه‌ر ڤێ ئێكێ ژى ده‌نگدان لسه‌ر پارێزگه‌هبوونا هه‌له‌بجه هاته پاشخستن.