ئاکرێ نیوز
نێچیرڤان بارزانى سه‌رۆكێ هه‌رێما كوردستانێ په‌یامه‌كا سه‌ره‌خۆشییێ ئاراسته‌ى گه‌لێ مه‌غربێ كر، پشتى ژ ئه‌گه‌رێ ئه‌ردهه‌ژه‌كێ زێده‌تر ژ ئێك هزار كه‌سان ل باشوورێ وى وه‌لاتى گیانێ خوه ژ ده‌ستداى.
نێچیرڤان بارزانى سه‌رۆكێ هه‌رێما كوردستانێ دپه‌یامه‌كێدا دیاركر، ب ناڤێ گه‌لێ هه‌رێما كوردستانا عیراقێ سه‌ره‌خۆشییێ ئاراسته‌یى گه‌لێ مه‌غربێ دكه‌ت، سه‌باره‌ت قوربانییێن ئه‌ردهه‌ژێ و وێرانكارییێن وێ و دڤى ده‌مێ سه‌خت دا هه‌ڤپشكێ خه‌ما وایه، ژ خودایێ مه‌زن دخوازیت دلوڤانییا خوه ب سه‌ر قوربانییاندا ببارینیت و برینداران ژى ب ساخبوونه‌كا بله‌ز بگه‌هینیت.
به‌رى سپێده‌هییا ئه‌ڤرۆ شه‌مبییێ، ئه‌ردهه‌ژه‌كا ب هێزا 6.8 پله‌یێن رێخته‌ر باشوورێ مه‌غربێ هه‌ژاند، ژ ئه‌گه‌رێ وێ زێده‌تر ژ ئێك هزار كه‌سان گیانێ خوه ژ ده‌ستدا و ب 100دان كه‌سێن دیژى برینداربوون.