ئاکرێ نیوز:
دکتور عیماد زێباری رێڤه‌به‌رێ ڤێتەرنەری ل ئاكرێ بۆ ئاکرێ نیوز دیاردكه‌ت كو خودانكرنا مریشكا دناڤ پرۆژاندا كاره‌كێ ئاسان نیه و شاره‌زایی پێدڤێت و دڤێت كادره‌كێ شاره‌زا بیت دڤى وارى دا، داكو بشێت ب شێوه‌كێ باش وان مریشكا بخودان كه‌ت و ب شێوه‌كێ ساخلەم به‌لاڤ ببنه دناڤ خه‌لكى دا، لێ مخابن ل ناڤ هه‌رێما كوردستانێ ئه‌و كادرێ شاره‌زا نیه ئه‌وێ رادبیت ب خودانكرنا مریشكا دناڤ پروژاندا.
رێڤه‌به‌رێ ڤێتەرنەری ل قه‌زا ئاكرێ زێدەتر گۆت کو مه‌رجێن دروستكرنا پرۆژه‌كێ بۆ خودانكرنا مریشكا دڤێت ئه‌و جهە یێ دویر بیت ژ خه‌لكى و ل ناڤ گوند و باژێری دا نه‌بیت، هه‌روه‌سا دڤێت ئه‌وى جهى مه‌رجێن ساخله‌میێ تێدا هه‌بن.
دکتور عیماد زێبارى زێده‌تر خویاكر كو بۆ خودانكرنا مریشكا وه‌كو پرۆژه دڤێت كادره‌كێ شاره‌زا بیت دڤى بواریدا نه هه‌ركه‌سێ رابوو، پروژه‌كێ بخودانكرنا مریشكا دانا، چونكى خودانكرنا وان و سه‌ره‌ده‌ریا وان پێدڤى ب كه‌سێن بسپوره، داكو بشێن ب شێوه‌كى ساخلەموان مریشكا خودان بكه‌ن و نەخۆشی ناڤ دا بەلاڤ نەبن و ب شێوه‌كێ ساخلەم به‌لاڤ ببنه ناڤ خه‌لكى دا و چ مه‌ترسی نه‌خوشیا په‌یدا نه‌كه‌ن و هه‌مى كه‌س لێ پشت راست ببن و بەرهەمێ وان ژی خوسار نەبیت.
سەبابەت وێ پرسێ بوچی خودانکرنا مریشکان نها دناڤ مالداندا زەحمەت کەفتی یە و تۆشی نەخۆشیا دبن دکتور گۆت كو مریشك یا نازكه و خوه ل به‌ر نه‌خوشیا ناگریت،تایبەت ئەگەر ب شێوەکێ دروست نەهێتە ڤاکسیندان،مخابن ئەوێن دناڤ مالاندا،خودان دکەن ئەڤ شارەزییە نیە کا کەنگی دێ ڤاکسینێ بۆ دانن و چاوا دانن،هەر ئێک وەکی خۆ سەرەدەریێ دگەل دکەت بێ کو شارەزایی هەبیت.
زوربوونا نەخۆشیان دناڤ مریشکاندا ژی بۆ زور ئەگەران ڤەدگەریێت،خوارنێن نە دروست و پیسیا ژینگەهێ کارتێکرنا خۆ ل سەر بەلاڤبوونا نەخۆشیان کریە،لێ ئەگەرێ سەرەکی کرینا مریشکان ل جهەکێ بۆ جهەکی دیە،ل دەڤەرێن جودا مریشکێن دهێن و تێکەلی ئێک دبن و دبنە ئەگەر ئەڤ نەخۆشیە بەلاڤ بن،دڤێت هشیاری ڤێ چەندێ بن وبزانن کەنگی پێدڤی ڤاکسیندانێ نە،داکو تۆشی نەخۆشیا نەبن.