لدیڤ وێ چەندێ کو میدیایا سلێمانیێ بەلاڤکری کو قوباد تاڵەبانی، جێگرێ سەرۆك وەزیرێن هەرێما كوردستانێ، نوسراوەک دەرکرییە و دارا رەشید، وەزیرێ پلاندانانێ ب وەكالەت ل پۆستێ وەزیرێ پێشمەرگەی دانایە، لجهێ شۆڕش ئیسماعیل كو ئێکەتیێ نەچار كرییە وازێ ل وی پوستی بهینیت.
دڤێ دەربارێ دا لیوا بابەکر زێباری، سوپاسالارێ بەرێ یێ ئێراقێ راگەهاند، دانانا هەر وەزیرەکی پێتڤی ب رەزامەندی یا سەرۆک وەزیران هەیە، هیچ وەزیرەک نە ل هەرێما کوردستانێ، نە ل بەغدا و نە ل جیهانێ ژی بێ رەزامەندیا سەرۆک وەزیران ناهێتە دانان، ئەگەر بڕیارا دانانێ ژی بۆ بهێتە دان دەستهەلات نابیت.
بەحسا وێ ئێکێ ژی کر كو قوباد تاڵەبانی ل دانانا كەسەکی ب وەزیرێ پێشمەرگەی ب وەکالەت، پێتڤی ب رەزامەندیا سەرۆك وەزیرێن هەرێما كوردستانێ یە، ئەگەر بڕیار ب بێ رەزامەندیا سەرۆک وەزیران بیت، کارمەندێن وەزارەتێ دکارن پابەندی بریارێن وی نەبن .