یاریكه‌رێن كیك بۆكسینگا یانه‌یا دهۆكێ ب ناڤێ هه‌لبژارتییێ عیراقێ پشكداری د قاره‌مانییا وه‌لاتێن عه‌ره‌بیدا كر كو هه‌ڤركییێن وێ ل باژێرێ سلێمانییێ هاتنه ب رێڤه‌برن.
یاریكه‌رێن دهۆكێ ل ژێر سه‌رپه‌رشتییا راهێنه‌ر سالح كه‌كوى هه‌ڤركییه‌كا باش كر و شیان چه‌ندین میدالییان د كێشێن جۆدا دا بده‌ستڤه‌ببه‌ن.
سالح كه‌كو راهێنه‌رێ هه‌لبژارتییێ عیراقێ دیاركر، قاره‌مانى دئاسته‌كێ بلندابوو، هه‌لبژارتییێن بهێز وه‌كو ( مسر، جه‌زائیر، ئوردن، سوریا، مه‌غرب، فله‌ستین و عیراقێ ) تێدا د پشكداربوون، ب گشتى یاریكه‌رێن كورد یێن دڤێ قاره‌مانییێدا د پشكدار دوو میدالییێن زێرى بده‌ستڤه‌برن، كو ئێك ژ یانه‌یا دهۆكێ بوو و میدالییا دى ب رێكا یاریكه‌ره‌كا سلێمانییێ هات.
ئاشكرا ژى كر، ل هه‌یڤا بهێت ئه‌و دێ وه‌كو یانه‌یا دهۆكێ پشكداریییێ د قاره‌مانییا عیراقێدا كه‌ن، ئه‌گه‌ر یاریكه‌رێن وى ئه‌نجامێن باش ئینان دێ بۆ نا رێزێن هه‌لبژارتییێ عیراقێ هێنه گازیكرن، ل هه‌یڤا چریا دووێ یا ئه‌ڤ ساله به‌ره‌ڤ وه‌لاتێ پورتۆگال ڤه چن و پشكدارییێ د قاره‌مانییا جیهانێدا كه‌ن.
ئه‌و میدالییێن یاریكه‌رێن دهۆكێ ب ده‌ستڤه‌برین :
پەیدا ئەحمەد رەمەزان میدالییا زێری ل کێشەیا 48 کگم
پەریسا بریندار ئیسماعیل میدالییا زیڤی ل کێشەیا 56 کگم
شایەن هاشم محه‌مه‌د میدالییا زیڤی ل کێشەیا 65 کگم
ئاشنا سالح کەکو میدالییا برۆنزی ل کێشەیا 60 کگم
شایان هاشم محه‌مه‌د میدالییا برۆنزی ل کێشەیا 54 کگم
زانا سالح کەکو میدالییا برۆنزی ل کێشەیا 67 کگم