صــالــح زاهــێــر مــحــمــد
سەباڕەت ب ڕۆژا ژ دایکبوونا پێغەمبەری (سلاڤێن خۆدێ ل سەڕ بن) چەندین سالە ئەو گەنگەشە و کێشمەکێشا سەدان سالی ئەوا دناڤ زانا و عامیا موسلمانان د قۆناغ و جهێن جۆدا جۆدا هەیی، ئەم د جڤات و سوشیال میدیا و ڕاگەهاندنێن کوردی وان گەنگەشە هندەک جاڕان دیر ژ گفتۆگۆ و گۆهگرتن ب دەلیل و بەلگێن ڕاست و ڕەوا دبینین، هەر مەزهەب فرقە و تائیفە و تەریقەتەک ژ موسولمانان دیڤ هندەک بەلگەیێن، کو وی ب مەقبول زانی د زهنیەتا خۆ دا زانی، دانپێدانێ ب ڕاستیا هەبوونا خێرا ساخکرنا ڤێ ڕۆژێ کریە یان ڕەتکریە؟ لێرە دا یا جهێ پرسیار و ڕەخنە و تێبینی و سەر ڕاوەستیانێ ل سەر ڤان گەنگەشەیێن ئاینی تایبەت ئەوێن ب ساخکرنا ڕۆژا ژ دایکبوونا پێغەمبەری (سلاڤێن خۆدێ ل سەر بن) ڤەگرێداینە د ناڤبەرا مەزهەب و تائیفە و فیۆرقە و تەریقەتێن موسولمانان، ئەو لێدانا کەسی و رەتکرنا بەرامبەر و بێ بها کرنا هەمی رێک و ڕێباز و جوانیێن هەڤدوویە د گەلەک جاڕان دا ئەڤ چەندێ دهێتە دیتن ب ڕوون و ئاشکرایی و کو زیانەک و مەترسیەک مەزن ل سەر ئومەتا ئیسلامێ یە ب ئەگەر پرسگرێکەک نەهندە کاریگەر د سەر عەقیدە و عیبادات و ئوسلێت دینی، دیتنا موتەوازع و دیڤ بەلگەیێن بەردەست و پێشڤەچوونا سەردەم و شڕوڤەیێن زانایێن ئومەتا ئیسلامێ ل سەر هەمی پرسگرێکێن جۆدا جۆدایێن ئایینێ پیرۆزێ ئیسلامێ ڕاستیا هەمی بابەتان وەکی رۆژا ڕۆناهی دیار بوویە و هەر دناڤ چارچۆڤێ مللەتێ ئیسلامێ و ل سەر بابەتێن گرێدای ب ژین و ژیار و سەرەدەری و عیبادەتا ڤە بۆچوونێن جۆدا دگەل ڕاسترین بۆچوون هاتینە کومکرن و هەمی ژی ب کلیلکەکێ ل بەردەستن و گرنگە تاکێ موسلمان ل سەر چ هزر بیت ڕێزێ ژ تاکێ بەرامبەر بگریت ئەگەر بزانیت خەلەتی ل دەڤ هەیە، ژبەر کو هیدایەت ژ ئەمرێ خودێ یە و ب زانین و بەلگەیێن تاکێ موسولمان نینە.
ل داویێ ژی فەرە وەک تاکەک موسولمان ب هەمی شیان هەولا وێ چەندێ بدەین دیڤچوونا پێغەمبەری (سلاڤێن خودێ ل سەر بن) بکەین د هەمی ڕۆژەکێ دا و ژیان و سیرەتا وی بۆ خوو بکەینە قودوە و رێبەر و سەروەر و پێشکێش د هەمی کاودانانێن ژیانێ دا و بەردەوام بیرا خۆ ژ مەزنترین مەخلوقێ خۆدێ ببینین کو خاتەمێ مورسەلینە و نە بتنێ پێگیریێ ب ڤێ چەندێ بکەین ل دەمەک دیارکری دا و تەڤایا سالێ د سەرەدەریکرنێ دا بەرۆڤاژی ژین و ژیار و سیرەت و نەسیحەتێن ئەعزەم خەلقێ دونیایێ بین.