ب مخابنیڤە چەند پەیجەکێن سۆشیاڵ میدیایێ بابەتەک بەلاڤکریە کو وەزارەتا ساخلەمیێ ڕێگرە ل ئەنجامدانا چەند نشتەرگەریەکان بێ کو بڕیارێ بخوینن یان ڕەئیا فەرمی یا وەزارەتێ وەربگرن ...
بۆ ڤێ مەرەمێ هەمی ئەوان تۆمەت و پڕوپاگەندا ڕەتدەکەین و ڕادگەهینین کو ڕاگرتنا نشتەرگەریان دوورە ژ ڕاستیێ و ب تنێ تێکدانا ڕاستیانە بۆ مەرەمێن چەند بەرژەوەندخوازان.
ڕاستی ئەوە ب مەرەما ڕێگریکرنێ بوویە ژ دیاردەیەکا نایاسایی کو ل چەند نەخۆشخانەکا و هەوارهاتنێ سەرپێچی دکر، ژلایێ چەند کەسەکا کۆ نەخۆش نەچار دکر بو کڕینا پێدڤیێن نشتەرگەریان و دیاردەیا کڕین و فڕۆشتنێ ل ناڤ نەخۆشخانێن حکۆمی دگەل وەڵاتیان بکەن بێ هیچ ڕێکارەک و ڕەزامەندیا فەرمی.
وەزارەتا ساخلەمیێ بڕیارا قەدەغەکرنا ئەوان سەرپێچییان دایە و ڕێکێ دگریت ل بەرژەوەندیا کرین و فڕۆشتنا پێدڤییان ب نایاسایی کو بێنە دناڤ نەخۆشخانێن حکومی و بفڕۆشن ب وەلاتیان.
حکومەتا هەرێما کوردستانێ بوودجەیا تایبەت یا هەیڤانە تەرخانکریە و پێدڤی ناکەت نەخۆش بو خۆ دابین بکەت، ل ڤێرە وەزارەتا ساخلەمیێ تەئکید ل دابینکرنا پێدڤیان دکەت ل سەر ئەرکێ حکۆمی نەوەک پێشێلکرنا مافێ نەخۆشی و کڕینا وان ژلایێ وەلاتیانڤە.
ل هەمان دەمدا تەئکید دکەین ل سەر ئەنجامدانا هەمی نشتەرگەریان ل کەرتێ گشتی و نەخۆشخانێن،حکۆمی. دیاردەیا نەچارکرنا نەخۆشی و هنارتنا وی بۆ نەخۆشخانێن ئەهلی قەدەغەیە و سەرپێچیکار دێ ڕووبەڕووی یاسایێ بن.
مە ب پێدڤی زانی بەرچاڤروهنی و دەقێ بڕیارێ بەلاڤبکەین بۆ وەڵاتیێن خۆشتڤی پێشان بدەین کو بەحسێ قەدەغەکرنا هیچ نشتەرگەریەکێ نەهاتیە کرن، بەڵکو ئەو بڕیار ل دژی بەرژەوەندیا وان کەسانە یێن سەرپێچیێ دکەن ب وەرگرتنا پارەیان ل هاوڵاتیان و فڕۆشتنا پێدڤیان ئەنجام ددەن ل ناڤ نەخۆشخانان ل هەمان دەمدا ل سۆشیاڵ میدیایێ هەوڵ ددەن بابەتی بو مەرەمێن خۆ ئاراستە بکەن.
وەزارەتا ساخلەمیێ
حکۆمەتا هەرێما کوردستانێ
30 ئەیلول 2023