سه‌رۆك بارزانى په‌یامه‌كا سه‌ره‌خۆشیێ بۆ قوربانیێن كاره‌ساتا حه‌مدانیێ به‌لاڤكر و راگه‌هاند، وێ كاره‌ساتێ خه‌مبار كرم و هیڤیا چاكیێ بۆ برینداران د خوازم.
ئه‌ڤرۆ چارشه‌مبێ 27-9-2023یێ سه‌رۆك مه‌سعوود بارزانى، ل سه‌ر تۆڕا جڤاكى یا فێسبۆكێ په‌یامه‌ك به‌لاڤكر و هه‌ڤخه‌میا خۆ بۆ ئاگربه‌ربوونا حه‌مدانیێ دیاركر و راگه‌هاند، ب بیهستنا روودانا كاره‌ساتا ئاگرى ل ده‌ڤه‌رداریا حه‌مدانیێ خه‌مبار بووم كو تێدا سه‌دان وه‌لاتیان ژیانا خۆ ژ ده‌ست داینه.
سه‌ره‌خۆشى ژى ل كه‌سوركارین قوربانیێن كاره‌ساتێ كر و هیڤیا سلامه‌تیێ ژى بۆ بریندارێن وێ خواست.