شاندا حكومه‌تا هه‌رێما كوردستانێ ب سه‌رۆكاتیا سه‌رۆك وه‌زیر و جێگرێ وى و هه‌ژماره‌كا وه‌زیران گه‌هشته به‌غدایێ و دهێته چاڤه‌ڕێكرن ل گه‌ل هه‌ر سێ سه‌رۆكاتیا كۆمبیت و كۆمبوونا ئێكێ ژى ل گه‌ل سه‌رۆكوه‌زیرانه.
شاندا بلند یا هه‌رێما كوردستانێ كو ب سه‌رۆكاتیا مه‌سروور بارزانى سه‌رۆكێ حكومه‌تێ یه و هه‌ر ئێك ژ قوباد تاله‌بانى، جێگرێ سه‌رۆكێ حكومه‌تێ و وه‌زیرێن ناڤخۆ و دارایی و تیمێ ته‌كنیكى یێ هه‌رێمێ ل گه‌لن.
ئه‌ڤرۆ پێنجشه‌مبی 14-9-2023یێ شاندا حكومه‌تا هه‌رێما كوردستانێ كو شانده‌كا ته‌كنیكى ژى ل گه‌له گه‌هشتنه به‌غدایێ و دهێته چاڤه‌رێكرن ئێكه‌م كۆمبوونا وان ل گه‌ل سه‌رۆكوه‌زیرێن ئیراقێ بهێته‌كرن.
ل گۆره‌یى زانیاریان شاندا هه‌رێمێ دێ ل گه‌ل هه‌ر دو سه‌رۆكاتیێن كۆمار و په‌ڕله‌مانێ ئیراقێ ژى كۆمبیت، ئارمانجا سه‌ره‌كى یا سه‌ره‌دانێ ژى چاره‌كرنا مووچه و به‌هرا هه‌رێمێ یه ژ بودجه‌یا ئیراقێ.