مەسرور بارزانی، سەرۆکێ حکومەتا هەرێما کوردستانێ پشتی تەمامبوونا کۆمبوونا ئەڤرۆ یا جڤاتا وەزیران دیار كر: مه وەزارەتا دارایی و ئابووری راسپاردییه کو ل گەل گەهشتنا كوژمێ ئێكێ یێ وی پارەیی كو 700 ملیار دینارن، ژ لایێ وەزارەتا داراییا حکومەتا فیدرالیڤه، ئێکسەر و بێی گیروبوون دەست ب دابەشکرنا مووچەیێ هه‌یڤا تەمووزی بهێته كرن.
ئەڤرۆ کۆمبوونەوەی جڤاتا وەزیرێن هەرێما کوردستانێ ده‌ستپێکر" د وێ کۆمبوونێ دا کو قوباد تاڵەبانی جێگرێ سەرۆک وەزیران ئامادە ببوو، جڤاتا وەزیران هێرشا سەر فڕۆکخانا چاندنێ ل عەربەت ل پارێزگه‌ها سلێمانییێ ئیدانه کر و پرسە و سەرەخۆشی ئاراستەیی بنەمال و کەسوکارێن شەهیدان کرن و هیڤی خواست كو بریندار زوو باش ببن" جڤاتا وەزیران داخواز كر كو ڕێز ل سەروەری و ئاسایش و سەقامگیرییا هەرێما کوردستانێ و عێراقێ بهێته گرتن.
پاشی پوختەیا سەره‌دان شاندێ بلند یێ حکومەتا هەرێمێ بۆ بەغدا ل 2023/9/14 ب سەرۆکاتییا سەرۆک وەزیران یا تایبەت ب مووچەیی و شایستەیێن دارایی یێن هەرێما کوردستانێ و کۆمبوونێن وی شاندی ل گەل هەرسێ سەرۆکاتییان و هێز و لایەنێن سیاسی یێن عێراقی و فراکسیۆنێن کوردستانی یێن ل جڤاتا نوونەرێن عێراقێ دیار كرن.