سپێده‌هیا ئه‌ڤرۆ بیڤه‌له‌رزه‌كا بهێز ب پله‌یا 6.8 ل گۆره‌ى پیڤه‌رێ ریخته‌ر، ل وه‌لاتێ مه‌غربێ دا ل گۆره‌ى ئامارێن ده‌ستپێكێ، تا نها نێزیكى 600 كه‌سان گیانێ خۆ ژ ده‌ستدانه، ب ده‌هان كه‌س برینداربووینه، ده‌هان هزار خه‌لك ژى ژ ترسان دا ده‌ركه‌فتینه سه‌ر جاده‌یان.
وه‌زاره‌تا ناڤخۆیا مه‌غربێ، به‌لاڤكر، سپیده‌هیا ئه‌ڤرۆ بیڤه‌له‌رزه‌كا بهێز، ناڤه‌ندا باژێرێ مه‌راكێش یێ گه‌شتیارى دا و باژێرێن ئەزیلاوا، شیشواوا و تاوردانیتی یێن باكورێ رۆئاڤایێ مه‌غربێ هه‌ژاندن، ل گۆره‌ى ئامارێن ده‌ستپێكێ، تا نها 600 كه‌سان گیانێ خۆ ژ ده‌ستداینه، 16، ب ده‌هان هزار كه‌س ژى ژ ترسان دا ده‌ركه‌فتینه سه‌ر جاده‌یان.
دڤى واریدا سه‌نته‌رێ ڤه‌كۆلینێن زانستى یێ بیڤه‌له‌رزێن مه‌غربێ راگه‌هاند، هێزا بیڤه‌له‌رزێ 6.8 پله ل گۆره‌ى پیڤه‌رێ ریخته‌ر بوویه، ژبه‌ر هێزا بیڤه‌له‌رزێ سه‌دان ئاڤاهى هه‌رفتینه و زیان ڤێكه‌فتیه.
ل گۆره‌ى مییدیایێن فه‌رمى یێن مه‌غربێ بیڤه‌له‌رزا ئه‌ڤرۆ، بهێزترین بوویه د دیرۆكا وى وه‌لاتى دا و تیمێن هه‌وارهاتنێ ژ باژێرێن دى گه‌هشتینه جهێ بیڤه‌له‌رزێ بۆ رزگاركرنا كه‌سێن دبن هه‌رفته‌یان ڤه.