سه‌رۆكێ لقێ دهۆكێ یێ سه‌ندیكا كرێكاران راگه‌هاند، ئه‌ڤ ساله 6 كرێكاران ل ده‌ما كارى ژیانا خۆ ژ ده‌ست دایه و 8 كرێكار ژى بریندار بووینه.
وه‌لات ئۆزمانى، سه‌رۆكێ لقێ دهۆكێ یێ سه‌ندیكا كرێكاران گۆت: ئه‌ڤ ساله 6 كرێكاران ل ده‌ما كارى ژیانا خۆ ژ ده‌ست دایه كو 5 ژ وان خه‌لكێ پارێزگه‌ها دهۆكێ نه و ئیك ژى نه خه‌لكی هه‌رێما كوردستانێ یه و 8 كرێكار ژى بریندار بووینه.
دیاركر ژى، هه‌ر كرێكاره‌كێ ده‌سته‌به‌ریا جڤاكى هه‌بیت دبیته خودان مووچه و ئه‌وێن نه‌یى ژى سه‌ندیكا دبیته وێرسێ وان و بزاڤان دكه‌ت مووچه‌یه‌كى بۆ خێزانا وى دابین بكه‌ت.
هه‌روه‌سا ئاشكراكر، ئه‌گه‌ر خیزان یا هاریكار بیت ب ساناهى مووچه بۆ كرێكارى دهێته دابینكرن و سه‌ندیكا هه‌موو هاریكاریان بۆ خێزانێن كرێكاران دكه‌ت.