ئاکرێ نیوز:
عبدالخالق حسن گەنجەکێ گوندێ دوودیا ژێری یە ل دەڤەرا نەهلێ ناحیا دینارتێ سەر ب قەزا ئاکرێ ڤە بۆ ئاکرێ نیوز دبێژیت: ئەڤە چەندین سالە گوندێ مە ل بەر کێشا کێم ئاڤیێ دنالیت،مخابن ئەڤ کێشا کێم ئاڤێ بۆ ئەگەر کو ل سالا 2012 ێ هەتا نها هەتا 40 مالان دناڤ ڤی گوندی دا مالێن خۆ بارکرینە و بەر ب باژێرانڤە چووینە.
گۆت نها گوند نزیکی 80 مالانە و خەلک ل گوندی بخۆ ئاڤێ ب تانکەران دکریت،ئەگەر چارەسەریا کێم ئاڤیێ ل گوندی نەهێتەکرن خەلک نەچارە مالێن خۆ باربکەت،مە ئەڤ کێشە گەهاندیە لایەنێن پەیوەندیدار،لێ مخابن تا نها ئەڤ کێشە چارەسەرنەبوویە،داخوازا مە ئەوە حکۆمەت رێکە چارەکێ بینیت و کێشا کێم ئاڤیێ ل گوندێ مەدا نەهێلیت.
سەبارەت ڤی بابەتی ئاکرێ نیوز پەیوەندی ب ئەندازیار زرار ئەحمەد رێڤەبەرێ ئاڤا ئاکرێ کر و گۆت کو مە ئاگەھ ل بابەتێ کێشا کێم ئاڤیێ ل ڤی گوندی داهەیە،مە چەندین جاران ژلایێ کەسێن بسپۆر و شەهرەزا لیژنێن تایبەت قەستا ڤی گوندی کریە کو بیرەکا ئاڤێ بۆ لێدەین،لێ مخابن ل دویڤ پێشبینیێن لیژنێ و کەسێن بسپۆر هیڤیەک نینە کو ئاڤ ب لێدانا بیرا ئاڤێ دەربکەڤیت.
مە ل دەڤەرا نەهلێ چەندین گوندێن دی یێت زەحمەتر بیرێن ئاڤێ لێداینە،لێ گوندێ دوودیا ژێرێ سروشتێ وێ یێ وەسایە و ئەم بێ هیڤی نە ل لێدانا بیرا ئاڤێ،مە بزاڤکرن ب رێکا گوندێن دەوروبەر چارەکێ لێ بکەین،لێ ب وێ رێکێ ژی چارەسەرنەبوو.
زێدەتر گۆت کو ل وی گوندی کانیەکا ئاڤێ یا هەی،بۆ گوندی دچیت،لێ مە نەڤیا دەست لێ دەین،چونکی دبیت مەترسی سەر هشکبوونا وێ ژی هەبیت،ئەم وەکو رێڤەبەریا ئاڤا ئاکرێ دئامادەینە کو هەر رێکەکا هەبیت چارەسەریا کێم ئاڤیێ ل گوندێ نافبری بکەین،لێ گوندی ژێدەرین ئاڤێ وەکو بیرلێدان و ڤەگوهاستنا ئاڤێ ل دەوروبەران کێشە یا هەی،لەوا جارێ نەچارین ب رێکا تانکەران ئاڤێ بۆ دابین بکەین،هەتا کو چارەسەریەکێ دبینین.