ئاکرێ نیوز
لەزگین محەمەد سەعید خودانێ کارگەها بەفرین یا ماستی و موتا ل ئاکرێ ژبۆ ئاکرێ نیوز دیارکر کو کارکرنا مە ژبۆ سالا 1999 دزڤریت و تانوکە ئەم لسەرڤی کاری دبەردەوامین کو لدەپێکا کارێ مە ژبۆ گوندێ خەردز دزڤریت و نوکە کارێ مە بەرفرەهـبوویە و ل سەنتەرێ ئاکرێ ئەم کاردکەین.
ئەڤ چەندە دیارکر کو رۆژانە مە پێتڤی ب پتری 1 تەنا شیری هەیە ژبوو وان کەسێن خواست لسەر بەرهەمێ مە هەی و ئەم شیری ل 15 گوندان دکرین و مە 3 بەراد هەنە کو دوو ژوان یێن ماستی نە، شیرێ بزنێ هەموو دەما کێر ماستی ناهێت لەورا ئەم دکەینە موتە و ئەم 7 کەسان رۆژانە ددەینە کاری و بەرهەمێ مە ل بازارێن هەولێر و دهوک خواستەکا زۆر لسەر هەیە، تەنانەت ئەم ب کوم ژی ددەینە قەزا ئامێدیێ و دەڤەرا بارزن و بازارێن دیترێن هەرێمێ.
مە داخوازا وێ چەندێ ل دەڤەرداریا ئاکرێ کربوو ئەگەر جهەک بوومە بهێتە دابینکرن، ئەم دکارین پروژێ خۆ بەرفرەهـ بکەین و دکارین ( پەنیری و شیری و مایتی و شیرێژی و کەشکێ و سەرتی و قەیماغێ و موتا ) بەرهەم بینین، لێ تا نوکە چ جهـ بوومە نەهاتینە دابینکرن .