ئاکرێ نیوز:
پشتی ئاگربەربوونێ ل هولەکا شەهیانان ل ناوچا حەمدانیێ سەر ب پارێزگەها مویسل، کو بوویە ئەگەر هژمارەکا قوربانیان تێدا دروست بیت،پشتی دروستبوونا بویەرێ مەسرور بارزانی سەرۆکێ حکۆمەتا هەرێما کوردستانێ تیمێن ساخلەمیێ ل پارێزگەها دهۆک و هەولێرێ راستپاردن کو قەستا قەزا حەمدانیێ و جهێ بوویەرێ بکەن و نەخۆشخانێن هەردوو پارێزگەهان ژی د ئامادە باشیێ دابن بۆ پێشوازیێ ل قوربانیێن ڤێ بوویەرێ.
ل گۆرەیی زانیاریێن رێڤەبەریا گشتی یا ساخلەمیا پارێزگەها دهۆکێ هەتا نوکە 19 بریندار گەهاندینە نەخۆشخانا سۆتنێ ل دهۆکێ و ئێک ژ وان ژیانا خوە ژ دەستدایە و رەوشا پتریا برینداران یا باش نینە.
ل گورەیی زانیاریێن دەست پێکی نزیکی 100کەسان ل بوویەرێ دا گیان ژ دەستدایە و پتری 200 برینداران بلندبووینە و بریندار هاتینە رەوانەکرن بۆ نەخۆشخانێن(موصل،دهۆک،هەولێر) گەلەک کەسێن گیانێ خۆ ل دەستدای تا نها لاشێن وان ل پزیشکیێن دادن و ناسنامێن وان نەهاتینە زانین.