ئاکرێ نیوز:
سالم سەلیم هاولاتیەکێ دەڤەرا نەهلێ یە ددەتە دیارکرن کو ئەڤ سالە بەرهەمێ مازیێ ل چیایی یێ زورە،خەلک ئەڤە بۆ ماوێ چەند روژایە قەستا چیایی دکەت بۆ دەستڤەئینانا بەرهەمێ مازیێ،چونکی د ئەڤ سالەدا بەرهەمێ مازیێ یێ زورە و دبازاری دا ژی بەرهەم زوی دهێتە فروتن و ژلایێ کریاران خۆاستەکا زور سەر کرینا وان هەیە.
اسماعیل زێباری کرین و فروشتنا بەرهەمێ خۆمالی دکەت دبێژیت: بەرهەمێ مازیێ ل دەڤەرێ دوو جورە مازیا(کەسک و سپی)لێ مازیا کەسک ل بازاری دا پتر گرنگیا خۆ هەیە و بهایێ وێ پترە،ب گشتی ئەڤ سالە بەرهەمێ مازیێ یێ باشە ل هەمبەر سالێن بوری و بازاری دا کرین و فروتن پێ دهێتەکرن.
محەمەد سەعید هاولاتیەکێ دەڤەرێ یە دیاردکەت کو بەرهەمێ مازیێ بەرهەمەکێ زەحمەتە لێ دکەڤن دا بەرهەمێ مازیێ ئێک ژێدەرێن باشبوو بۆ دەستڤەئینانا داهاتەکێ،تایبەتی ل گوندان خەلکەکێ زور قەستا چیای دکر بۆ دەستڤەئینانا بەرهەمێ مازیێ،لێ نها وەکی بەرێ خەلک قەستا ڤی بەرهەمی ناکەت،چونکی بەرهەمەکێ زەحمەتە و کێمە،لێ ئەڤ سالەدا یێ زورە و بهایێ وی یێ گونجایە،لەوا خەلک قەستا چیایی دکەت بۆ دەستڤەئینانا بەرهەمێ مازیێ،ئەگەر چیایێن مە ئارامی تێدا بیت و مەترسی سەر ژیانا خەلکی نەبیت دێ خەلک شێت پتر بەرهەمێن چیایی دەستخۆڤە ئینیت،لێ مەترسیا ئەمنی زور جاران رێکێ نادەت خەلک قەستا چیایی بکەت بۆ دەستڤەئینانا ڤان جورە بەرهەمان.