دلێــر نــەقــەبی
هەلبەت ب درێژاهییا 77 ساڵێن بوری و دگەل دروست بوونا پارتی دیموکراتی کوردستان ل سەر دەستێ بابێ ڕۆحی یێ نەتەوا کورد ( موستەفا بارزانی ) ئیدی کوردستان بەرەڤ قوناغەکا نوی و تۆمارکرنا دیرۆکێ پێنگاڤ هاڤێتن بگرە ئێکەتیا سۆڤیەت و شۆرەشا ئەیلولا مەزن و گوڵانا پێشکەفتن خواز هەتا دروستبوونا بەرەی کوردستان کو بەرهەمێ وێ ڕاپەڕین و دروستبوونا حکومەتا کوردی بوو بێگومان ئەڤێن هەنێ هەمی دەستکەفتێن بەرهەمێ وێ بناغێ خەبات و قوربانیدانێ بوون ئەوا کو ل 16 ێ تەباخا ساڵا 1946 بەرێ بنیاتێ بۆ هاتیە دانان ، هەر ئەڤ چەندا هەنێ بوویە کو ئیرۆ کوردستان بویە خودیکەک بۆ تەڤایا ئۆلۆ نەتەویێن کوردستانێ و بوویە پەناگەهەکا ب هێز و کاریگەر ل ڕۆژهەلاتا ناڤین .
هەڤدەم ژبلی دامەزراندنا پارتی دیموکراتی کوردستان ئەڤ ڕۆژە دوو پیرۆزیێن گرنگن ل جەم تەڤایا پارتی خوازاندا ژبەر کو ڕۆژەکا گەش ل ئەسمانێ کوردستانێ هەلات ئەو ژی دایک بونا ڕێبەر و لێ ڤەگەڕێ تەڤ کورد و کوردستانیانە و دایکبونا جەنابێ سەرۆک ( مسعود بارزانی ) یە .
وەک خویایە ب درێژاهییا ڤان ساڵێن خەباتێ بێگومان سەرۆک بارزانی بویە لێ ڤەگەڕ و کاریگەرترین کەسایەتی ل ڕۆژهەلاتا ناڤین نەمازە وەک سەرۆک و پێشمەرگە هەمی ژیێ خۆ بۆ کوردستانێ تەرخان کریە مەزنترین بەڵگە ژی داستانا ملێ ساریجێ و شەڕێ کۆڕێ و داستانا خواکورک و تێکشکاندنا ڕێکخراوا تیرۆرستیا داعش و هەردوو داستانێت پردێ و سحێلا .
ئیدی ڕۆلێ پێشڤەچۆن و درێژە پێدانا ڤێ خەباتێ دێ کەڤیتە سەر ملێن مە و تاکێن وێ دار بەروویا کو جەنابێ سەرۆکی پارتی پێ وەسف کری هێش زێدەتر ل بن ئەردی موکم تر لێ بکەین تا دگەهینە وێ ئارمانجا کو مە هەمیا خەون پێ هەیە و قوربانی بۆ دایە ، پیرۆز بیت یادا دایک بونا سەرۆک بارزانی و دامەزراندنا کەڤنترین حزبا کوردستانێ ( پارتی دیموکراتی کوردستان ).