ئه‌ڤرۆ ئێکشەمبی 6 /8 / 2023 ێ” مەسرور بارزانى سه‌رۆكێ حکومەتا هه‌رێما كوردستانێ، پێشوازى ل كاردینال لویس ساكۆی، پاتریارك و سەرۆكێ كەنیسەیا كلدانی ل عێراقێ و جیهانێ و شانده‌كێ ل گه‌ل دا كر.
د وێ دیدارێ دا، پاتریارک کاردینال لویس ساکۆی، سوپاس و پێزانینێن خۆ بۆ سەرۆکێ حکومەتێ و حکومەتا هەرێما کوردستانێ دەربڕی بۆ ئەوێ پێشوازی و پشته‌ڤانییا ل وی هاتییه كرن و ستایشا ره‌وشا پێکڤە ژیانا ئاشتییانە یا پێکهاتێن جۆدا ل هەرێما کوردستانێ کر.
سەرۆکێ حکومەتێ نیگەرانییا خۆ ده‌رەبارەیی ڤه‌کێشانا مەرسومێ کۆماری یێ سەرۆک کۆمارێ عێراقێ یێ تایبەت ب پاتریارک کاردینال لویس ساکۆیی و کەنیسەیا کلدانی دووپات کر و هیڤی خواست، ئەو خه‌له‌تییه بهێته ڕاستڤه‌كرن.
هه‌روه‌سا سەرۆکێ حکومەتێ دووپات كر” كو هەرێما کوردستانێ، وەک هەرده‌م دێ مەلبەندێ پاراستنا مافێن هه‌موو پێکهاتان و ئازادییا ئایینی بیت و دێ پشته‌ڤانییێ ل پێکهاتێن کریستییانان كه‌ت” كو ب نه‌هەق ژ لایێ هنده‌ك لایەنێن نه بەرپرس، دێ رووبروو پاکتاییكرنا ئایینی بن و داکۆکییێ ل سه‌ر پاراستنا مافێن هەموو نەتەوا و ئایینان کەین و دێ ل دژی گوهۆرینێن دیمۆگرافی یێن ب زۆر، راوه‌ستین.