مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل ئێرڤن هیكس كونسۆلێ گشتییێ ئه‌مریكا ل هه‌رێما كوردستانێ كر، كو ناڤبرى ب مه‌ره‌ما ب دووماهى ئینانا ئه‌ركێ خوه و خاتر خواستنێ سه‌ره‌دانا سه‌رۆكێ حكومه‌تێ كربوو.
سه‌رۆكێ حكومه‌تێ زێده‌بارى ئاماژه‌دان ب گرنگییا په‌یوه‌ندییێن دۆستانه و میێژووى ب تایبه‌تى یێن ناڤبه‌را هه‌رێما كوردستانێ و ئه‌مریكا دا، سوپاسییا كونسۆلێ گشتییێ ئه‌مریكا كر بۆ كاركرن و بزاڤێن وى ژ پێخه‌مه‌ت پێشڤه‌برنا په‌یوه‌ندییێن دوو لایانه و هیڤییا سه‌ركه‌ڤتنێ د ئه‌ركێن داهاتیدا بۆ خواست.
كونسۆلێ گشتییێ ئه‌مریكا سوپاسى و پێزانینێن خوه بۆ سه‌رۆكێ حكومه‌تێ و لایه‌نێن په‌یوه‌ندیدارێن حكومه‌تا هه‌رێما كوردستانێ ده‌ربرین، كو دماوێ ئه‌ركێ ویدا پشته‌ڤان بوون و هه‌ماهه‌نگییه‌كا باش و ب هێز دگه‌ل كونسۆلخانه‌یا ئه‌مریكا هه‌بوو.