ئاکرێ نیوز
ده‌ڤه‌ردارێ ئاكرێ ئاشكراكر، دده‌مێ سه‌ره‌دانا خۆدا ژبۆ ئاكرێ، وه‌لاتیان چه‌ندین داخوازی پێشكێشی سه‌رۆك بارزانی كرن، ژوان ژی : لێدانا تونێله‌كێ ل چیایێ پیرس و ئیداره‌یا سه‌ربخۆ یا ئاكرێ و دبێژیت: ئه‌م پشت راستین پشتی سه‌ره‌دانا سه‌رۆك بارزانی گوهرین دێ هێنه‌كرن و ئه‌ڤا دشیان دا بیت بۆ ئاكرێ دهێته‌كرن.
شه‌عبان خه‌لیل به‌رواری ده‌ڤه‌ردارێ ئاكرێ دیاركر لده‌مێ سه‌رۆك بارزانی سه‌ره‌دانا ده‌ڤه‌رداریا ئاكرێ كری كومبوون ل گه‌ل ته‌خ و چینێن ئاكرێ ئه‌نجامدا و تێدا خه‌لكێ ئاكرێ داخوازیێن خوه پێشكێشی سه‌روك بارزانی كرن و گوت:" سه‌رۆك بارزانی سۆزدایه ئه‌ڤان داخوازیان بده‌ته حكومه‌تا هه‌رێما كوردستانێ و ئه‌ڤا دشیان دابیت بۆ ئاكرێ بهێته‌كرن. ئه‌م پشت راستین پشتی سه‌ره‌دانا سه‌رۆك بارزانی گۆهرین ل ئاكرێ دهێنه‌كرن و ئه‌و داخوازیێن ژ سه‌رۆك بارزانی هاتینه‌كرن پێداچوون دێ بۆ هێته‌كرن .
ده‌ڤه‌ردارێ ئاكرێ دیاكر ژی خه‌لكێ ئاكرێ داخوازكرییه پێداچوونێ ب رێك و پرێن ئاكرێ بهێته‌كرن، ژ وان ژی رێكا گه‌لیێ زنتا و دوریانا ئاله‌یێ و چه‌ندین پرۆژیێن دی یێن خزمه‌تگوزاری هه‌روه‌ها لێدانا تونێله‌كێ ل چیایێ پیرس ژبۆ ده‌ڤه‌را بارزان، داخوازییه‌كا دیتر یا خه‌لك و نوونه‌رێن ئاكرێ ژ سه‌رۆك بارزانی ئه‌و بوو ئاكرێ ببیته ئیداره‌كا سه‌ربخوه.