ئاکرێ نیوز:
عەقید ئیبراهیم فەریق رێڤەبەرێ بەرگری شارستانی ل ئاکرێ بۆ ئاکرێ نیوز دیارکر کو :" ئەڤرۆ دەم ژمێر 2:28 خولەک و ل ڕێككەڤتی 1 / 8 / 2023 پەیوەندی ب بنگەهێ مەڤە هاتەکرن ل دینارتێ، كو ئاگر بەربوویە ترومپێلەکا جورێ نیسان سەنی ل چیایێ پیرس، كو لایێ گوندێ بیرەکەپرا دهات بۆ لایێ ناحیا دینارتێ و هەر ب وێ ئەگەرێ ئاگربەربوویە ئاقارێ چیایێ پیرس .
تیما ئاگرڤەمراندنێ یا بنگەهێ بەرگری شارستانی دینارتە سەر ب رێڤەبەریا مەڤە گەهشتنە جهێ رویدانێ و دگەل تیما بنگەهێ بەرگری شارستانی بلێ و پێشمەرگەهێن ژینگەهێ و پۆلیسێن دارستانێ ل ماوی نزێکی ئێک دەم ژمێر شیان ئاگری کۆنتڕۆل کەن بــێ زیانێن گیانی و زیان بتنێ ماددی بوون .