ئاکرێ نیوز
بەرگێ شەشێ ژ زنجیرا كتێبا (بارزانی و بزووتنەوەی ڕزگاریخوازی كورد) کو ژ نڤیسینا سەرۆک مەسعود بارزانی یە ب ناڤ و نیشانێ {کوردستان و عێراقی نوێ} کەڤتە بەر دیدا خوندەڤایان .
ئەڤ پەرتووکە ل دوو پشکا و 1234 لاپەڕا پێک دهێت بەحسا رویدانێن عێراقێ و هەرێما کوردستانێ دکەت دناڤبەرا سالێن 2003 بۆ 2016.
سەرۆک بارزانی د پێشەکیا ڤێ پەرتووکێ دا نڤیساندییە: ژناڤچوونا رژێمێ دەلیڤە لهەمبەر عیراقیاندا دروست بوو پێخەمەت مفایێ ل شاشیێن دەیان سالێن رابووریا رژێمێ ببینن، و عیراقەکا نوی بهێتە دامەزراندن کو تێدا هەموو لایەک ب ئاشتی بژیت و ماف و ئەرکێن خۆ بناسن .
سەرۆک بارزانی د پێشەکیا بەرگێ شەشێ یا كتێبا (بارزانی و بزووتنەوەی ڕزگاریخوازی كورد) نڤیساندییە ژی، ل ساڵا 2003 تا 2016 گۆڕانکاریێن جەوهەری بسەر ژیانا سیاسی و دامەزراوەیێن دەوڵەتێ و بارودۆخ و خەڵکێ عێراقدا هات.
ب ئاماژەپێکرنا رویدان و پێشهات و بریارێن سەرۆک بارزانی ل ساڵێن 2003 تا 2016 کو رۆلێ خۆ تێدا هەبوویە یان ژی شاهێدێ پێشهات و گورانکاریان بوویە، د پێشەکیا پەرتووکێ دا دبێژیت: ئەڤ کتێبا لبەردەستی خوندەڤایان بەرهەمێ یاداشتا رۆژانەیا ژیانا سیاسی یە دڤێ قوناغا گرنگ ۆ هەستیاردا .
ددەربارێ ڤێ قوناغا 2003 تا 2016، سەرۆک بارزانی د پەرتووکێ دا ئاماژە دایە وێ ئێکێ کو ئەڤ 13 ساڵە بۆ هەرێما کوردستانێ دەرفەتەکا نوی و کێم وێنە بوویە خویادکەت: دڤی ماوەیی دا دامەزراوەیێن هەرێما کوردستانێ بهێزتربوون و ب دامەزراندنا سەروکایەتیا هەرێما کوردستانێ دەرگەهێن هەرێمێ پتر ب جیهانا دەرڤە هاتنەڤەکرن و سیاسەتا گشتی یا سەرەدەریکرنێ دگەل عیراقێ هاتە دارێژتن.
ژبلێ نڤیسین و ڤەگێرانا سەرۆک بارزانی ، د پەرتووکێ دا چەندین وێنە و بەلگەنامە و چالاکی و بریارێن سەروک بارزانی تێدا ئێخستینە بەرچاڤ .