مه‌كته‌با سیاسى یا ئێكه‌تیێ د سالیادا دامه‌زراندنا پارتى دا پیرۆزباهى ئاراسته‌یى وێ حزبێ كرن و راگه‌هاند، پاراستنا قه‌واره‌یێ هه‌رێما كوردستانێ و ده‌ستكه‌فتان پێدڤى ب هه‌ماهه‌نگى و گیانێ نه‌ته‌وه‌یى و گه‌شه‌كرنا شه‌راكه‌تێ یه.
ئه‌ڤرۆ چارشه‌مبێ 16-8-2023یێ مه‌كته‌با سیاسى یا ئێكه‌تیا نشتیمانى یا كوردستانێ ب هه‌لكه‌فتا 77 مین سالیادا دامه‌زراندنا پارتى دیمۆكراتى كوردستان په‌یامه‌كا پیرۆزباهیێ ئاراسته‌یى مه‌كته‌با سیاسى یا پارتى و ئالیگرێن وێ كر.
ئیكه‌تیا نشتیمانى هیڤى خواست ئه‌ڤ ده‌رفه‌ته بۆ گه‌شه‌پێدانا په‌یوه‌ندیێن ناڤبه‌را هیز و ئالیێن سیاسى بیت و د ڤى هه‌لومه‌رجى دا كو پێدڤى ب رێكخستنا ئه‌وله‌ویه‌تێن خه‌باتێ هه‌یه ب قازانجا چاككرنا ژیان و گۆزه‌رانیا ملله‌تى.
مه‌كته‌با سیاسى یا ئێكه‌تیێ د په‌یاما خۆ دا دوپاتكریه، كوردستان و ئه‌زموونا وێ به‌رهه‌می خوینا گه‌شا هه‌زاران شه‌هید و قوربانیانه بۆ پاراستنا قه‌واره‌یێ هه‌رێمێ و ده‌ستكه‌فتێن وێ پێدڤى ب هه‌ڤكارى و گیانێ نه‌ته‌وه‌یى و گه‌شه‌كرنا شه‌راكه‌تێ یه.