غیاس خالد زێباری
هەرسا راگەهاندن و سۆشیال میدیایا ئێکەتیا نشتیمانی کوردستانێ و گرێگرتیێن وان، ئامادەکاریێن رێکخستی دکەن بۆ تاوانبارکرنا پارتی دیموکراتی ژبەر روودانا ٣١ ێ ئاب یا ساڵا ١٩٩٦ێ . بێ کۆ هندەک کەس راستیا ڤێ روودانێ و ئەگەرێن پەیدابوونا وێ بزانن، پارتی ب جاش و خیانەتکا تاوانبار دکەن، ئەڤە ژی بۆختانەکا مەزنە چونکی ٣١ ێ ئاب کورتکرین شۆرەشا کوردستانی بوو ب سەرپەرشتیا پارتی دیموکراتی کوردستان کۆ د دەمێ سێ رۆژان دا سەروەری و شەرعیەتا هەرێما کوردستانێ زڤڕاندی، ئەوا ئێکەتیا نشتیمانیا کوردستانی ب پاڵپشتی و ئینانا هێزێن وەڵاتەکێ هەرێمی سێ پشکێن هەرێما کوردستانێ داگیرکری و شەڕەکێ خۆ کوژی و وێرانکەر لسەر پارتی سەپاندی و پیلانا ژناڤبرنا قەوارێ هەرێما کوردستانێ داڕشتی بۆ پاراستنا بەرژەوەندێن هەرێمی یێن وەڵاتێ ئیرانێ ل کوردستانێ و ئیراقێ .
ژبەرکۆ ٣١ ئاب کورترین شۆرەشا کوردستانی یا خودان دەستکەفتێن مەزنە چونکی د وان سێ رۆژان دا مەزنترین پیلانا ژناڤبرنا قەوارێ هەرێما کوردستانێ هەڵوەشاند و شەرعیەت و سەروەری بۆ سازیێن دەستهەڵاتێن کوردستانێ زڤراندن .
ئەگەر ٣١ ێ ئاب نەبا بەری ٢٧ ساڵا رەوشا ل کەرکووکا پشتی خیانەتا ١٦ ئ ئکتۆبەرا سالا ٢٠١٧ ێ دا لسەرانسەرێ هەرێما کوردستانێ هێتە سەپاندن و ئەڤرۆ زمان و کلتۆر و داب و نەریت و ئایینێ پڕانیا کوردستانیا دا د مەترسیێ دابیت، ژلایێ ئێمناهی ژی کوشتن و ڕەڤاندن و تاڵان و دزی دا دیاردێن نووڕمال و رۆژانە بن، پرۆسا تەعریبێ ژی دا گەهنە دوورترین گۆندێن سنوورێن هەرێما کوردستانێ، ژلایێ ئابووری و ئاڤەدانی ژی ڕەوشا کەرکووک و باشوور و ناڤەڕاستا ئیراقێ دا لسەرانسەرێ هەرێما کوردستانێ هێنە کۆپیکرن .
بلا پسیار بۆ وان کەست و لایەنان بیت و ب ووژدان و هەستەکا نشتیمانی و نەتەوایەتی روودانا ٣١ ئاب ببینن، ئەرێ شۆڕەشا پاراستنا قەوارێ هەرێما کروستانێ و ڤەگەڕانا شەرعیەتێ یە ، یان خیانەت ..؟!
ئەرێ ئەوێن رەوشا پێش ٣١ ئابا ١٩٩٦ خەلقکری و شەرێ ناڤخۆ بەرپاکری و لەشکرێ وەڵاتێن داگیرکا ئینایە کوردستانێ، جاش و خائینن ، یان پارتی ..؟!
مخابن ئەوێن نەشیا ل ٣١ ئاب پرۆژێ خۆ یێ خیانەتکاریێ سەربێخن، ل ١٦ ێ ئکتۆبەرا ساڵا ٢٠١٧ شیان پشکەکا زۆرا مەڕامێن خۆ یێن خیانەتکاری بجهــ بینن و مەزنترین زیان گەهاندە قەوارێ هەرێما کوردستانێ و دەستکەفێن نەتەوی و نشتیمانیێن خەلکێ کوردستانێ و هەتا ئەڤرۆ ژی د بەرداوامن .
لەوما ب پشتراستی د بێژین ٣١ ێ ئاب شۆڕەشا پاراستنا قەوارێ هەرێما کوردستانێ و ڤەگەڕاندنا شەرعیەتا سازیێن فەرمیێن دەستهەڵاتدارێن هەرێما کوردستانێ بوو و گاڤا هەڵوەشاندنا پیلانێن خیانەتکارا بوو .
پیرۆز و پیرۆزتر بیت بیرهاتنا ڤێ شۆڕەشا مەزن .