رێكخستنا ساخله‌میا جیهانى رادگه‌هینیت، د كێمترى هه‌یڤه‌كێ دا ژ ده‌مێ بۆرى ملیۆنه‌ك و 500 هزار كه‌س تووشى كۆرۆنایێ بووینه و رێژه‌یا تووشبوونی 80%ێ ب هه‌ڤبه‌ركرن ل گه‌ل رۆژێن بۆرى زێده كریه.
رێكخستنا ساخله‌میا جیهانى هۆشدارى ژ بلندبوونا رێژه‌یا تووشبوون ب نه‌خۆشیا كۆرۆنایێ دان و راگه‌هاند، هه‌ر ژ 10-7 تا 6-8 یا ئه‌ڤ ساله ملیۆنه‌ك و 491 هزار و 210 كه‌س تووشى كۆرۆنایێ بووینه و 2 هزار و 560 حاله‌تێن مرنێ یێن پشتراستكرى ب كۆرۆنایێ هاتینه تۆماركرن.
هه‌روه‌سا دیاركر، تا نوكه ژى كۆرۆنا گه‌فه ل سه‌ر جیهانێ، هه‌ڤده‌مى راكرنا رێكاران و راگه‌هاندنا ره‌وشا نه‌ئاسایى ل جیهانێ.
ساخله‌میا جیهانى دیاركر ژى، خوگوهۆڕێ كۆرۆنایێ (ئۆمیكرۆن) هه‌ر ژ نه‌هى مه‌ها بۆرى ل 48 وه‌لاتان هاتیه تۆماركرن و ب به‌رده‌وامى د به‌لاڤ بوونێ دایه.