ئاکرێ نیوز:
سەربەست صەبری رێڤەبەرێ ناحیا دینارتە بۆ ئاکرێ نیوز ددەتە دیارکرن کو ژلایێ حکومەتا هەرێما کوردستانێ رەزامەندی بۆ چێکرنا چەندین قوتابخانان ل سنورێ ناحیا دینارتێ هاتیە کو بهێنە چێکرن،ئێک ژوان نوژەنکرنا قوتابخانا گوندێ حەلانێ یە،کو 20%ێ تەمامبوویە،ئەم یێ بزاڤێ دکەین ڤێ قوتابخانێ بۆ دەست پێکا خواندنێ تەمام بکەین.
خۆیارکر ژی هەروەسا دوو قوتابخانێن دی ژی دهێنە جێبەجێکرن ل گوندێن(بەروژ زاوا و گوندێ مێوکێ) کو ئەڤرۆ دێ دەست ب جێبەجێکرنا وان هێتەکرن و کارتێدا هێتەکرن کو دوو قوتابخانێن بنەرەتی نە و دێ هێنە ئاڤاکرن.
رێڤەبەرێ ناحیا دینارتێ گۆت ژی ژبلی ڤێ چەندێ قوتابخانا گوندێ(مالە موسێ)ژلایێ دەزگەهێ خێرخوازیێ بارزانی ڤە دهێتە جێبەجێکرن کو قوتابخانەکا چوار رێزی یە کو دێ هێتە ئاڤاکرن بۆ گوندێ ناڤبری کو نزیکی 50%ێ پرۆژە تەمامبوویە و بەردەوام کار ل سەر دهێتەکرن،کو ئەڤ هەرچوار قوتابخانە دکەڤنە دەڤەرا نەقەبیا ل سنۆرێ ناحیا دینارتێ دێ کەڤنە خزمەتا خەلکێ وان گوندان دا.