ئاکرێ نیوز
ئیسماعیل مستەفا قائیممقامێ قه‌زا به‌رده‌ره‌ش راگه‌هاند، مه‌سرور بارزانى سه‌رۆكێ حكومه‌تا هه‌رێما كوردستانێ ره‌زامه‌ندى ل سه‌ر بجهئینانا سێ پرۆژه‌یێن ستراتیجى ل قه‌زا به‌رده‌رش دایه، و زێده‌تر ژ 100 ملیار دیناران بۆ بجهئینانا وان پرۆژه‌یان هاتینه ته‌رخانكرن.
قائیممقامێ قه‌زا به‌رده‌ره‌ش بۆ ئاکرێ نیوز دیاركر، سێ پرۆژه‌یێن ستراتیجى ب كوژمێ 101 ملیار دیناران ل سنۆرێ قه‌زا به‌رده‌ره‌ش دێ هێنه بجهئینان، ئه‌وژى پرۆژه‌یێ دروستكرنا جووت سایدێ ( ئامیان – به‌رده‌ره‌ش – كه‌له‌ك )، ( دروستكرنا ئوڤه‌رپاسا چواریانا ئامیان ) و دروستكرنا سایدێ كه‌ڤن یێ ( رۆڤیا – به‌رده‌ره‌ش ).
ئاماژه ب هندێ ژى دا کو د. عه‌لى ته‌ته‌ر پارێزگارێ دهۆكێ دبزاڤێن به‌رده‌وام دایە بۆ بجهئینانا ئه‌ڤان پرۆژه‌یان، نوكه ئه‌و پرۆژه ل رێڤه‌به‌رییا رێك و پران ل پارێزگه‌ها دهۆكێ نه، د ده‌مه‌كێ نێزیكدا كارێن وان دێ تمام بن و ره‌وانه وه‌زاره‌تا ئاڤه‌دانكرن و ئاكنجیكرنێ هێنه‌كرن، دووڤدا دێ ده‌ست بجهئینانا وان هێته‌كرن.