بناڤێ خودێ یێ مەزن و دلۆڤان
وەکی ئەڤرۆ بەری 77 ساڵا رەوشا سیاسی و ئێمناهی و جڤاکی یا کوردستانێ، پشتی سەرنەگرتنا کۆمەکا بزاڤێن حزب و کۆمەڵە و رێکخستنێن کوردستانی بۆ بەرپاکرنا شۆرەشەکا پەروەردەیا نشتیمانی و نەتەوایەتی، جڤاکێ پێتڤی ب حزبەکا سەرتاسەری یا کوردستانی و رێبەرەکێ شارەزا و خودان ئەزمۆن هەبوو، پارتیا مە پارتی دیموکراتی کوردستان بوویە ئەو رێکخستن کۆ وێ ڤاڵاهیێ پڕ بکەت و خەلکێ نشتیمان پەروەر و تێهنییێن ئازادی و رزگاریێ ل سەرتاسەرێ کوردستانێ لێ کۆمبوون و بارزانی نەمر ژی وەکی رێبەرەکێ خودان ئەزمۆن ل وارێن لەشکری و پەروەردەیا نەتەوایەتی و نشتیمانی و جڤاکی بۆ سەرۆکایەتیا ڤێ پارتیێ و پێشڕەویا بزاڤا رزگاریخوازیا کورستانی هاتە دەست نیشانکرن.
ژبەرکۆ بارزانی نەمر فێری وانەیێن شۆڕەشگێریێ و نەتەوایەتیێ و نشتیمانپەروەریێ و دادوەریێ ل پێشەوایێن رێبازا بارزان مینا شێخ عەبدولسەلامێ ئێکێ و شێخ موحەمەدێ باب و شێخ عەبدولسەلامێ دوویێ و شێخ ئەحمەدێ وەرکرتبوون، هەر زوی پارتیا مە بوویە جهێ ئۆمێد و باوەریا خەلکێ سەرتاسەرێ کوردستانێ و پلانا رێکا ئازادیا کوردستانێ لژێر دەستیا رژێمێن داگیرکەر هاتە درشتن.
جەماوەرێ خۆڕاگرێ دەڤەرێ... کادر و ئەندام و لایەنگێن پارتیا مە، ئەڤرۆ ئەم هەمی پێکڤە دسەربلند و سەرفیرازین کۆ پارتیا مە سەرەرای کاودان و رەوشێن دژوار و پیلانێن بەردەوام بۆ مانەڤا کورد و کوردستانێ و لێزانیا رێبەرێ مەزنێ گەلێ کورد نەمر مەلا مستەفایێ بارزانی ، شیا ب شانازیڤە وان هەمی ئاستەنگا بشەقینین و بسەر پیلانا زاڵ ببیت و بەردەوامیێ ب خەباتا سیاسی و شۆرەشگێری و رێکخراوەیی بدەت هەتا گەهشتیە قۆناغا ئەڤرۆ .
بۆ هەتا هەتا جهێ شانازیێ یە پارتیا مە و رێبازا بارزانی د هەمی تەمەنێ خۆدا سازیەکا پارێزەرا مرۆڤایەتی بوویە و د چارچۆڤێ رەوشت و بنەمایێن مرۆڤاتیێ و ئاشتەوایێ دا داکۆکی ل بدەست ڤەئینانا ماف و ئارمانجێن خەلکێ کوردستانێ بوویە ب هەمی تەخ و چین و ئایین و نەتەوەڤە، ئەگەر شۆڕەشێن چەکداری ژی بەرپاکر بن، ژنەچاری و ژپێخەمەت ئاشتیێ و ئاشتەوایێ بوویە.
جەماوەری خۆشتەڤی
ب خەبات و قوربانیێن پارتی هەر لسەر دەمێ گۆڕینا رژێما ئیراقێ بۆ کۆماری و پاشان ل شۆڕەشا مەزنا ئیلوونێ و گوڵانا پێشکەفتنخواز ، لناڤ خۆیێ کوردستانێ گۆڕینێن مەزنێن ئەرێنی چێبوون و دەستکەفتێن مەزن ژی بدەست هاتن مینا رێکەفتنا پیرۆزا 11 ئادارێ و ناساندنا دووزا کوردی ب جیهانی .
دەستکەفتێن خەلکێ کوردستانێ یێن ڤێ داویێ ژی مینا سەرهەلدانا پیرۆزا ساڵا 1991 و ئاڤاکرن و پاراستنا قەوارێ هەرێما کوردستانێ ژی لسەر دەستێ پارتی و سەرۆک بارزانی بوونە، شانازیەکا دیتر مە یا مەزن ئەوە، چەند ژیێ پارتی مەزن و زێدە بیت، گەرم و گوڕیا کادر و ئەندام و لایەنگرێن وێ گەنجانەتر دبن، چونکی پارتی و رێبازا بارزانی بەردەوام دنووکرنێ دایە و دگەل هەمی سەردەما دگۆنجن، لەوما ئەڤرۆ دژیێ 77 ساڵیدا خودان مەزنترین جەماوەرە لسەر ئاستێ کوردستانێ و ئیراقێ و مەزنترین هێزا داکۆکیکارا بدەست ئینان و پاراستنا ماف و ئارمانجێن خەلکێ کوردستانێ و دووست و دووژمن هزرێن مەزن لێ دکەن .
خەلکێ خۆ پشت راست دکەین کۆ خەباتا پارتی راناوەستیت هەتا بدەست ئینانا هەمی و ماف و ئارمانجێن خەلکێ کوردستانێ و هەردەم دێ هێزا پاراستن و ڤەژاندنا قەوارێ هەرێما کوردستانێ و بەختەوەریا خەلکێ وێ بین .
پشت بەستن ب خودێ مەزن و خەلکێ کوردستان و رێنما و ئامۆژگاریێن سەرۆک بارزانی و سەرکردایەتیا پارتی، زویترین دەم دێ بسەر قەیران و ئاستەنگێن دەستکردێن ئەڤرۆ زاڵ بین.
دووبارە ١٦ تەباخێ ساڵڤەگەرا دامەزراندنا پارتی و لدایک بوونا سەرۆک و رێبەرێ گەلێ کورد مەسعوور بارزانی ل هەمی کورد و کوردستانیا پیرۆز بیت.
پارتی دیموکراتی کوردستان
لقا 9
16 ێ تاباخا 2023