پولیس عەلی
"پـارتـی دیـمـوکـراتـی کـوردسـتان " ئێکەم حزبە ژ ھەر چار پارچێن کوردستانێ کۆ 77سالێن تەمەنێ خۆ هەتا نۆکە ژبۆ ئێک ئارمانج خەباتێ دکەت، ئەوژی سەربخۆبونا کوردستانێ یە و چ جارا ژی دەست لڤێ ئارمانجا پیرۆز بەرنەدایە و بەرنادەت.
ئاشکرایە ھەمی پیرۆزیێن کوردستانێ ژ دەف پارتی پاراستینە نەخاسم "ئاخ و ئـالا و پـێـشمـەرگـە" دگەلدا ژی پـارتـی پارتەکا دیـمـوکـراسـی و جەماوەری یە.
پتر ژ پارت و حیزبێن دی یێن ئیسلامی پشتەڤانی و رێزێ ل ئاینێ ئیسلامێ دگریت، هەروەسا ئاینێن دی ژی هەمی ژ ئالیێ پارتی ڤە خودان رێزن و پارتی باوەری ب پێکڤە ژیانا ئولی و نەتەوەیی هەیە لەورا ژی مافێن هەمیان بێ جوداهی دپاراستینە و چ جیاوازیێ دناڤبەرا (ئیسلام و مەسیحی و یەزیدی ھتد ...)هەمی پێکهاتێن دی ناکەت و لبن سهوانا پارتی ب برایانە دژین.
پارتی دیموکراتی کوردستان ئێکەم پارت بوویە ل چەندین هەلبژارتنێن چوویی لسەر ئاستێ کوردستانێ و عیراقێ ئەڤ ئێکە ژی ژبۆ سیاسەتا لێزانانە یا سەرۆکێ بێ پارتێ دزڤریت.
هەڤدەم ژبلی گرنگی و پیتە دان ب تویژا لاوان و قوتابیان و پیشەکاران، رولێ ژنێ دناڤ رێزێن پارتی دا خودان پێگەهێ خۆ بوویە و لەورا د هەمی پوستێن ئیداری و سیاسی پلە ب ڤێ تویژا گرنگ دایە، ئەڤ چەندە ژی دبیتە پالدەر کو رۆلێ وێ چ کێمتر نینە ژ یێ زەڵامی، و هەمی ئافرەت ژی خودان رێز و کەساتی نە دناڤ ڤێ پارتێ دا و مافێن وان ب هەمی ئاوایان دهێنە پاراستن.
ڤێ چەندێ ژی دیاربکەم کو لسەر ئاستێ کوردستانێ و عیراقێ پارتی چارەسەرێ هەمی پرسگرێکانە لەورا خودان هێزا کاریگەرا دبلوماسییە ل جیهانێ و پارتی بوویە رووگەها سیاسەتمەدارێن جیهانێ نەخاسم ژبوو پرسێن کوردستانێ و عیراقێ و رۆژهەلاتا ناڤین، و زۆر جاران سەروک و سەرکرێن پارتیامە ل فیستەڤال و کونفرانسێن نێڤ دەولەتی ب چاڤێ دەولەتەکا سەربخوو سەرەدەری دگەل سەرۆک و رێبەرێن پارتی دیموکراتی کوردستان تێتەکرن.
ل داویێ ژی یادا دامەزراندنا پارتی و ژ داێک بوونا بارزانی کو هەردوو دئێک دەمدانە ل تەڤایا کورد و کوردستانیان پیرۆز دکەم ژبەرکو بارزانی مولکێ هەمی کوردەکێ دلسۆزە و کارێن جەنابێ وی ژبوو دۆزا رەوایا کوردستانیایە ، بژی کورد بژی کوردستان.