ئاکرێ نیوز:
مقدم عیماد حوسێن برپرسێ راگەهاندنا پۆلیسێن ئاکرێ دیارکر کو ئەڤرۆ لدویڤ بریارا وەزارەتا ناڤخۆ و ب سەرپەرشتیا راستەوخۆ یا رێڤەبەرێ پولیسێن ئـاکـرێ ژلایێ مەفرەزا هەڤپشك یا پولیسێن ئـاکـرێ دویڤچوونا چەندین جهێن کرنا دۆمبەلێ کر.
دیارکر ژی کو د بەردەوامیا قەدەغەکرن و گرتنا سیستەمێن قومارێ ژلایێ پۆلیسێن ئاکرێ ڤە کو د دەمێن بوریدا چەندین کەس سەرا كرنا سيستەمێ قومارى هاتینە دەستەسەرکرن داينه دادگەهـێ .
گۆت:ئەڤرۆ ژ ئەنجامێ دویڤچوون و گرتنا جهێن کرنا یاریا دومبەلێ دناڤ سەنتەرێ ئاکرێ دا دوو جـھ هاتنە گرتن دگەل دەست ب سەر داگرتنا ئامیرێن کرنا یاریا دۆمبەلێ و هوشداری ب خودانێن وان جهان هاتنەدان لسەر دوبارە ڤەکرنا یاریێ كو دێ رێکارێن قانۆنی ژلایێ پولیسان بهینە وەرگرتن دگەل سەرپێچى كاران.