ئه‌ندامه‌كێ په‌رله‌مانێ عیراقێ دیار كر: وەزارەتا ناڤخۆیا عێراقێ دەرگه‌هێ پێشکێشکرنا دامەزراندنێ بۆ پۆلیسان ڤه‌كر و ناڤ نڤێسین دێ ب رێیا لینكی بیت و وه‌لاتییێن هه‌رێما كوردستانێ ژی دشێن داخوازا دامه‌زراندنێ پێشکێش بکەن، کارکرنا وان پۆلیسان دێ ل ده‌ڤه‌رێن عیراقی بیت و ل هه‌رێما كوردستانی نابیت.
وەزارەتى ناڤخۆیا عێراقێ دیار كر: ل رۆژا سێشەمبی 4 ی تەموزێ دێ دەرگه‌هێ پێشکێشکرنێ بۆ داخوازییا دامەزراندنێ ب شێوێ گرێبەست وەکو پۆلیس هێته ڤه‌كرن، هه‌تاکو 7ى تەمووزێ دێ بەردەوام بیت.
سەگڤان سندى، جێگرێ سەرۆکێ لژنا ئاسایش و بەرگرییێ ل پەرلەمانێ عێراقێ گۆت، ئەو دامەزراندنه دێ لدووڤ یاسایێ بودجه‌یا گشتییا عیراقێ بیت و دێ نیزیكی 15 هزار کەسان دامه‌زرینن، دێ وەکو گرێبەست کار کەن بۆ ماوه‌یێ دناڤبه‌را سێ یا پێنج سالان و ب مووچەیێ 500 هزار دیناری.
ناڤهاتی گۆت ژی: وه‌لاتییێن هەرێما کوردستانێ دشێن داخوازییان پێشکێش بکەن بۆ دامەزراندنێ، بەلێ دڤێت ل ده‌ڤه‌رێن ژێر دەستهه‌لاتا حکومەتا عێراقێ دەوامێ بکەن