هەڤال عبدالعزیز رێڤەبەرێ پەیمانگەها هونەرێن جوان ل ئاکرێ بۆ ئاکرێ نیۆز دادیارکرن کو ئەم یێ کاردکەین کو ئاڤاهییەکێ مودێرن بۆ پەیمانگەها هونەرێن جوان بهێتە ئاڤاکرن ژبەرکو جهێ پەیمانگەها مە یێ گونجایی نییە و هەڤدەم یێ بچیک و بەرتەسکە و نوکە مە رەزامەندی ل باژێرڤانیا ئاکرێ وەرگرتییە و ئەردەک بوومە هاتییە دابینکرن کو ئاڤاهییەکێ مودێرن بهێتە ئاڤاکرن و ئەم د بەردەوامین کو رێکارێن خۆ یێن یاسایی تەمام بکەین دگەل سازیێن پەیوەندیدار کو ئەڤ ئێکە بهێتە بجهـ ئینان و رێڤەبەریا پەروەردا ئاکرێ ژی بۆ ڤێ مەرەمێ دگەل مە هاریکارە، ئەگەر پەیمانگەها مە ئاڤاهیێ خۆ یێ نوی هەبیت ئەم دکارین پشکێن دیترێن هونەری ل پەیمانگەها خۆ ڤەکەین کو ئەڤە بۆ ماوێ هەشت سالایە پەیمانگەها مە بتنێ پشکەکێ بخۆڤە دگریت.
ئەڤ چەندەژی دادیارکرن کو پەیمانگەها هونەرێن جوان ل ئاکرێ ل سالا 2015 هاتییە ڤەکرن پتری 100قوتابی لڤێ پەیمانگەهێ ل بەشێ شێوەکاری ل هەر پێنج قوناغێن وێ دخوینن ، و سێ گەرێن قوتابیان ل پەیمانگەهێ دەرچووینە و نوکە هژمارەک ژ وان قوتابیێن دەرچووی ماموستایێن هونەری نە لسنوورێ پەروەردا ئاکرێ .