كۆنسۆلێ گشتى یێ فره‌نسا ل هه‌رێما كوردستانێ ئه‌ڤرۆ ژبه‌ر ب دویماهى هاتنا ئه‌ركێ خۆ، سه‌ره‌دانا سه‌رۆك نێچیرڤان بارزانى كر و سوپاسیا وى كر.
سه‌رۆكاتیا هه‌رێما كوردستانێ راگه‌هاند: ئه‌ڤرۆ دویماهى ب ئه‌ركێ ئۆلیڤیێ دیكۆتینى، كۆنسۆلێ گشتى یێ فره‌نسا ل هه‌رێما كوردستانێ هات، ژبه‌ر ڤێ یه‌كێ ژى سه‌ره‌دانا سه‌رۆك نێچیرڤان بارزانى كر و سوپاسیا وى كر كو ل ده‌مێ بوورى پشته‌ڤان و هاریكاربوو د كارێن وى دا، هه‌ڤده‌م پشته‌ڤانێ سه‌ره‌كى یێ پێشڤه‌برنا په‌یوه‌ندیێن هه‌رێم و فره‌نسا بوو.
ژ لایێ خۆ ڤه سه‌رۆكێ هه‌رێمێ ژى هیڤیا سه‌ركه‌فتنێ د ئه‌رك و به‌رپرسیاریا وى یا نوى دا بۆ خواست.