ئه‌ڤرۆ چارشه‌مبی” حکومەتا هەرێما کوردستانێ دووماهی هۆشداری بۆ تۆمارکرنا چەکێ بێ مۆلەت بۆ وه‌لاتییان بەلاڤ کر و داخواز ژ خەلکی کر ل بنگەهێن دەستنیشان کری چەکێن خۆ تۆمار بكه‌ن یان ژی رادەست بکەن.
د. هێمن میرانی، رێڤه‌بەرێ گشتییێ دیوانا وەزارەتا ناڤخۆ، زێده‌تر دیار كر: “ئەڤ بانگەوازە، رەنگە دووماهی ئاگه‌هداری بیت بۆ وه‌لاتییان، هه‌تا 21 ی تەموزێ چەكێن خۆ تۆمار بكەن” هەر كەسێ پشتی وێ رێکكەفتنێ چەكێ بێمۆله‌ت یێ تۆمارنەكری هه‌بیت دێ هێته گرتن، لدووڤ مادێ 15 ێ ژ یاسایا چەكی، ل بنگه‌هێن پۆلیسان فایله دێ بۆ هێته ڤه‌كرن و دێ ده‌نه دادگه‌هێ، سزایێ وێ ژی گرتن و سزاىێ داراییە”.
ناڤهاتی گۆت ژی: چەکێ تۆمارکری ژ چ کەسان ناهێتە وەرگرتن و تۆمارکرن ژی بێبەرامبەرە هه‌تا رۆژا 21/7 و ل رۆژا لدووڤ دا یاسایا چەکێ بێ مۆلەت دێ کەڤیتە کاری.
د. هێمن میرانی، دیار كر ژی: ئەو کەسێن پشتی کاراکرنا ڤێ یاسایێ چەک ل گەل بهێتە دیتن یان بکار بینیت، سالەکێ هه‌تا سێ سالان دێ هێتە زیندانکرن و ب دو ملیۆن هه‌تا پێنج ملیۆن دیناران ژی دێ هێتە سزادان و چه‌كێ وی ژی دێ ژێ هێته وه‌رگرتن