ئاکرێ نیوز:صەباح زوهێر
سەربەست صەبری رێڤەبەرێ ناحیا دینارتە بۆ ئاکرێ نیوز دا دیارکرن کو پشتی رێزدار(مەسرور بارزانی)سەرۆکێ حکومەتا هەرێما کوردستانێ سەرەدانا قەزا ئاکرێ کری و هژمارەکا پرۆژان بۆ دەڤەرێ راگەهاندی ناحیا دینارتە ژی ل وان پرۆژان بێ بەهرنەبی و بریار هاتەدان کو یاریگەهەکا مەزن یا(11)یاریزانی بۆ ناحیا دینارتە بهێتە چێکرن.
رێڤەبەرێ ناحیا دینارتە زێدەتر گۆت کو دەست ب جێبەجێکرنا پرۆژەیی هاتیەکرن و کار تێدا دهێتەکرن و ماوێ پرۆژەیی (90)رۆژە ب کۆژمێ(176000)دۆلار پرۆژە دهێتە جێبەجێکرن.
رشید جمعە سەرۆکێ یانا دینارتە ددەتە دیارکرن کو چێکرنا یاریگەها دینارتێ خەونا مەبوو ئەڤە چەندین سالە ئەم بێ یاریگەھ و یاریگەها مە یا خراب بوو،پشتی سەرۆکێ حکۆمەتێ هاتیە ئاکرێ ئەڤ خەلاتە پێشکێشی مەکر و خەونا مە بجھ ئینا و ئەم دلخۆش کرین ب چێکرنا ڤێ یاریگەهێ.