ئاکرێ نیوز:
کومسیونا سەربەخویا هەلبژارتنێت عیراقێ بەرسڤا سەروکاتیا هەرێما کوردستانێ دا ، کو دێ شێت هەلبژارتنا پەرلەمانێ کوردستانێ ل ١٨ شواتا ٢٠٢٤ برێڤەبەن ب مەرجەکی کو سەروکاتیا هەرێمێ فەرمانا هەلبژارتنا بەری ١/ ٨ / ٢٠٢٣ دەربێخیت داکو رێکارێت کاری لدیف دەمی بهێنە ئەنجامدان.
د.وەعدی مزوری شیرەتکارێ قانۆنی ل پەرلەمانێ کوردستانێ بۆ ئاکرێ نیوز ددەت دیارکرن کو راستە ئەڤ بەرسڤە یا چاڤەرێ کری بوو و مە پێشبینیا ڤێ چەندێ دکر،ئەڤە ژی بەرسڤدانەکا ئەرێنێ یە،ل جهێ کو ئەو بێژن ئەم نەشێن ڤی شێوازێ دبلوماسی بەرسڤادایی.
شیرەتکارێ قانۆنی ل پەرلەمانێ کورستانێ گۆت کو هەرێما کوردستانێ ژی دڤێت بریارەکا حەکیمانە وەربگریت و ب دیتنا من سەروکاتیا هەرێمێ دڤێت کوم بیت ل سەر ڤێ چەندێ،یان دڤێت ل دویف ئاخفتنا کومسیۆنێ بیت،ئەو دەمێ کومسیۆنێ ژی دیارکری ل 2024/2/18 ێ کو وی دەمی هەلبژارتنان بکەین،ب دیتنا من ئەڤ چەندە ژی یا زەحمەتە،چونکی هەلبژارتن چ جاران ل دەمەکێ وەسادا نەهاتینەکرن و ئاستەنگ دێ کەڤنە رێکا کومسیۆنێ دا و گەرەنتی نینە کو دێ کومسیۆن بخۆ نوی بیتەڤە،لەوا ب دیتنا من هەلبژارتن دێ ب زەحمەت بیت ئەو دەمێ کو کۆمسیۆنێ دیارکری.
دکتور وەعدی زێدەتر گۆت ئەو بەرسڤا هاتیەدان بۆ هەلبژارتنان دێ ماوێ وان یێ کومسیۆنێ سەرڤە چیت بۆ ئەو دەمێ دیارکری و کومسیۆنێ چ دەستهەلات نامینن،دڤێت وان هزر ل وێ چەندێ دا ژی کربا کا ئایا دێ ماوێ کۆمسیۆنێ هێتە درێژکرن یان نە،بۆ ئەو دەمێ هاتیە دەستنیشانکرن، رەنگە بۆ کورستانێ چ ئاریشە نەبن،لێ رەنگە ژئالیێ قانۆنی ڤە بۆ وان کێشە ل ڤێ چەندێ دا دروست بن و ماوێ وێ بهێتە درێژکرن،ئەگەر ماوێ کومسیۆنێ ژی بهێتە درێژکرن رەنگە گەلەک تانێ لێدەن ل بەرامبەر دادگەها فیدرالی، ئەڤەژی دێ پتر ئاریشا دروست کەت،لەوا ئەڤێ دێ پێدڤی بریارا ئەنجومەنێ نوینەرێن عێراقێ بیت دگەل هەمی لایەنێن سیاسی ل عێراقێ دا.
دکتور وەعدی مزور شیرەتکارێ قانونی ل پەرلەمانێ کوردستانێ دبێژیت داکو قەیرانا دستوری و سیاسی ل کوردستانێ نەمینیت،چونکی ئەو بوشایا هەی ل نەبوونا دەستهەلاتا دانانێ گەلەکە بۆ هەرێما کوردستانێ،لەوا هەمی چاڤەرێ هندێ نە هەلبژارتن بهێنەکرن و کابینەکا نوی بهێتەدانان و رەوابوون(شەرعیەت) پێ بهێتەدان، داکو چ کێشێن دی دروست نەبن،ئەڤە ژی دەستهەلاتا سەرۆکێ هەرێمێ دایە،کو دگەل ئەنجوومەنێ وەزیران و لایەنێن سیاسی رێکەڤن و سەروکایەتی بریارێ بدەت.