نێچيرڤان بارزانى، سه‌رۆكێ هه‌رێمى كوردستانێ ئه‌ڤرۆ دگه‌ل ئيلهام عه‌ليێڤ، سه‌رۆكێ ئازه‌ربايجانێ كۆمبوو.
نێچيرڤان بارزانى و سه‌رۆكێ ئازه‌ربايجانێ دووپات ل پێشڤەبرنا په‌يوه‌ندييێن ئازه‌ربايجانێ دگەل عیراق و هه‌رێما كوردستانێ د هەمی بواراندا كر، ب تایبەت د بوارێ ئابوورى و بازرگانى و گه‌شتيارى و وزێ دا و ده‌رفه‌تا وه‌به‌رهێنان و خزمەتگوزاری بۆ كۆمپانيیێن ئازه‌ربايجانێ ل هه‌رێما كوردستانێ گۆتۆبێژكرن.
هەروەسا دووپات ل گرنگيیا ڤەكرنا كۆنسلخانه‌يه‌كا گشتيیا ئازه‌ربايجانێ ل هه‌رێما كوردستانێ كر كو پێشتر بڕیاردایە و بەحس ل ڕێكاران كر بۆ هندێ د داهاتییەكێ نێزیكدا بكەڤیتە كاری بۆ پێشڤەبرن ب په‌يوه‌ندييان و هاريكاريىا هەڤبه‌ش یا هەردوو ئالییان.
هه‌روه‌سا دووماهیك ڕێكار و پێنگاڤێن گه‌شتێن ڕاسته‌وخۆ یێن ئاسمانی هه‌ولێر ـ باكو و باكو دگەل به‌غدا و چه‌ند دەڤەرێن دی یێن عیراق و ئاسانكارى بۆ پێدانا ڤيزێ هاتنە گۆتۆبێژكرن.