هێزێن ئاسایشا هه‌ولێرێ پێنج كه‌س ب تومه‌تا گه‌فكرن ب به‌لاڤكرنا ڤیدیۆیێن نه‌یێن جوان ده‌سته‌سه‌ركرن.
راگه‌هاندنه‌كا رێڤه‌به‌رییا ئاسایشا هه‌ولێرێ راگه‌هاند، پێنج كه‌س ژلایێ هێزێن وانڤه و ب بریارا دادوه‌رێ لێكۆلینان ل ئاسایشا هه‌ولێرێ هاتنه ده‌سته‌سه‌ركرن، كو د تۆرێن جڤاكیدا ب تایبه‌تى ل ( تیكتۆك، تێلیگرام و فیسبۆك )ى ترانه‌یێن تۆماركرن و به‌لاڤكرنا ڤیدیۆیێن نه‌جوان ب چه‌ند وه‌لاتییان ژ هه‌ردوو ره‌گه‌زان دكرن، دووڤدا به‌رامبه‌ر به‌لاڤ نه‌كرنا وان ڤیدیۆیان داخوازا پاره‌ى دكر.
ئاسایشا هه‌ولێرێ ئاماژه ب هندێ دا، هه‌ڤده‌م ب رێكا تۆرا جڤاكییا ( فیسبۆك )ى خوه وه‌كو ژن بۆ مرۆڤێن ب ته‌مه‌ن دیاردكرن و سه‌رنجا وان رادكێشا و ڤیدیۆیێن كرێت ب وان د دانه تۆماركرن، ب ڤێ رێكێ پاره‌كێ مه‌زن وه‌رگرت، پشتى ده‌سته‌سه‌ركرنێ رێكارێن قانوونى به‌رامبه‌ر وان هاتنه وه‌رگرتن