پشتی کو بەشەکا میدیایێن عێراقێ بەلاڤکری، سەرۆک وەزیرێن عێراقێ ل دادگەها فیدڕالی سکالا لسەر هژمارەکا برگەیێن یاسایا بودجەی تۆمارکریە، ژێدەرەکی ژ حکوتا عێراقێ رەتکر.
وی ژێدەری بۆ ئاژانسا نووچەیا عێراقێ ڕاگەهاندیە، سودانی سکالا لسەر یاسایا بودجەیێ تۆمار نەکریە.
ئەڤرۆ دووشەمبیێ، بەشەکا میدیایان بەلاڤکر، محەمەد شیاع سودانی سەرۆک وەزیرێن عێراقێ ل دادگەها فیدڕالی سکالا لسەر ١٢ ماددەیێن یاسایا بودجەیێ تۆمارکریە.
د وێ دەربارێ دا ژێدەرەکێ هایدار ژ حکومەتا عێراقێ بۆ ئاژانسا فەرمیا نووچەیا عێراقێ ڕاگەهاند، "نووچەیێ سکالاکرنا سودانی دوویرە ژ راستیێ".
هەڤدەم، بەشەکا میدیایان وێنەیێ وێ نڤیسارێ بەلاڤکر کو تێدا سودانی سکالا لسەر ١٢ ماددەیان تۆمارکریە، لێ وێ نڤیسارێ چ مۆرێن فەرمی پێڤە نینە.