ئاکرێ نیوز:
دلهات میرخان هاولاتیەکێ گوندێ دودیا ژوری یە ل دەڤەرا نەهلێ ل ناحیا دینارتێ بۆ ئاکرێ نیوز ددەتە دیارکرن کو رێکا گوندێ وان گەلەک یا خراب بووی و هاتن و چوون ل رێکا وان یا ب زەحمەت کەفتی،پشتی لافاوێن بهارێ رێکا گوندی ب تەمامی خراب بوویە و ئەم داحوازێ لایەنێن پەیوەندیدارێن ئاکرێ دکەین ئەو رێکێن مای ژی یێت گوندێن نەهلێ وان ژی تەمام بکەن و چارەکێ بۆ ببینن.
لدور ڤی بابەتی ئاکرێ نیوز ئەڤ چەندە گەهاندە ئەندازیار محسن میرانی رێڤەبەرێ رێک و پرا ل ئاکرێ و گۆت بارگرانیەکا مەزن ل سەر ملێن مەیە و دوو قەزایا ئەم یێ رێڤەدبەین،نها ئەولیەتا کارێ مە رێکێن گشتی و سەرەکی نە،تیمێن مە ل روژانە ڤان رێکێن سەرەکی یێ کاردکەن،هەتا کو رێکێن سەرەکی چارەدکەین،ئەم دێ هەولدەین رێکێن وان گوندان ژی چارەبکەین،لێ رێکێن گەلەک گوندێن دەڤەرا نەهلێ ژلایێ لیژنێن مە هاتینە دیراسەکرن وپێدڤی یە ببنە پروژە،ئەم کەمتەرخەمیێ بۆ وان گوندان ژی ناکەین و د پلانێن مەدایە بێ جوداهی خزمەتا هەمی دەڤەرا بکەین بی جوداهی.