ئاکرێ نیوز
ژبەر کێم تەرخەمیا هژمارەکا خودان ماولیدان ژ دەمێن هەلکرنێ و دیسان کێمیا فولتیێ دانا کارەبێ دهێنە سزادان.
سەباح شوکری بەرپرسێ لێژنا ماولیدا ل قایمقامیا قەزا ئاکرێ بۆ ئاکرێ نیوز دیارکر:" لێژنا ماولیدا ل دەڤەرداریا ئاکرێ دیڤچوونا ماولیدەێن دەڤەرێ کرییە ژبال هژمارەکا خودان ماولیدان کێم تەرخەمی تێتەکرن نەخاسم ل دەمێ هەلکرنا ماولیدا و دیسان کێمیا فولتیێ کارەبێ بۆ ڤێ مەرەمێ ژی رێکارێن یاسایی دێ هێنە وەرگرتن لهەمبەر خودان مولیدێن ڤان تاخان ژوانا ماولیدێن ( ئازادی ، 11 ئەیلول نزیک دەواجنێ ، شەهیدان ، خەبات ، کوچینە ) کو دێ سزایێ وان ئەوبیت کو بهایێ ئەمپێرێ بۆ هەڤوەلاتیان دێ هێتە ئەرزانکرن، ئەڤ رێکارە ژی بۆ کێم تەرخەمیا وانا دزڤریت کو بەروەخت مە لدۆر ڤی بابەتی هایدارکرینە و کومبوون ژی دگەل خودان ماولیدان هاتینەکرن ب سەرپەرشتیا دەڤەردارێ ئاکرێ لێ هژمارەک ژوان پابەندی رێکار و رێنمایان نەبووینە و ئەڤ چەندە دووبارە بیت دێ رێکار و سزایێن وانا هێنە زێدەکرن.