ل مقێما کەڤنارا بازارێ ئاکرێ ئێک ژ چایخانێن کەڤنار کو ڤەکرنا وێ ژبۆ سالا 1968 دزڤریت بناڤێ چایخانا مچووی، ژتایبەتمەندیێن وێ ل بانگێ سپێدێ و ل دەسپێکا ئەلندێ دەرگەهێن وێ دڤەکرینە دانێ سپێدێ ب بەرهەمێ خومالی د پێشوازیا مێڤاناندایە تاکو بانگێ مەغرەب.
کەریمێ چاچی بۆ ئاکرێ نیوز دیارکر ئەڤە بوو دەمێ 55 سالانە ئەم ڤی کاری دکەین کو ل سالا 1968 چایخانامە هاتییە ڤەکرن ئەڤ چەندە ژی دیارکر کو گرانترین چا ل چایخانا مە هاتییە ڤروتن ب 3 دیناران بوویە و ئەرزانترین چا ب 5 فلسان یا هاتییە ڤروتن و ل هەمی جهێن کوردستانێ هەڤوەلاتی قەستا چایخانا مەدکەن بۆ ڤەخارنا چایێ ، هەرکەسێ چا ڤەخاری ل چایخانا مە ب چ رەنگ بڤێت رەش یان زەر یا شرین یان تال پشتی 10 سالان ژی کو قەستا مە بکەتەڤە ب هەمان تام و رەنگێ چایێ دێ دەینێ .