ئەڤرو ژبال ناڤەندا بالا لاوان ئاکرێ و لژێر دروشمێ، کابینا9ێ بنیاتێ نفشەکی ( چاکسازی ، دیجیتەلکرنا حکومەتێ ، وەبەرهێنان ) پانێلەک بریڤەچوو .
د پانێلی دا بەحسا رولێ کابینا 9 یا حکومەتا هەرێما کوردستانێ هاتەکرن، ئێک ژ مێڤانێن پانێلی د. مەردان خدر بەرپرسێ لقێ9 ( پ. د . ک )بوو ئاماژە بەردا سەر گرنگیا سەرەدانا سەروکێ حکومەتێ بۆ ئاکرێ کو ب سەرەدانەکا دیرۆکی بناڤ کر و ئاماژە دا وێ ئێکێ کو د سەرەدانا خۆ دا مزگینی یا دامەزراندنا زانکویا ئاکرێ هاتەدان و ب خوشحالی ڤە ئەڤ ئێک چوو دبیاڤێ پراکتیکی دا، دگەلدا ژی پرۆژێ بەنداڤا باکرمان کو ئێک ژ پرۆژێن گرنگێن سراتیجی یە رەزامەندی لسەر هاتییەدان کو دگەلەک روویانڤە نەخاسم دبیاڤێ چاندنێ و گەشتوگوزارێ و سامانێ ماسیێ و ئەلکتریکێ مفا دێ لێ هێتە وەرگرتن، هەروەها دوو کومەلگەهێن پێشاسازی ل دەڤەرا مە یێن مودێرن کارلسەر دهێتەکرن تێنە دروستکرن، دگەلدا ژی 33 پرۆژێن گرنگ دهێنە ئەنجامدان ل دەڤەرامە هەروەها ب کوژمێ 21 ملیار دیناران ل هەردوو قەزایێن ئاکرێ و بەردەرەش پرۆژە دهێنە ئەنجامدان، ژبلی ڤێ ئێکێ ئێک ژ وان سکتەرێن گرنگ کو پێتە پێ هاتییەدان بیاڤێ وەرزشێ بوویە کو لبەرێ زۆر بەربەست هەبوون ل هەمبەر ڤی بیاڤی لدەڤەرا ئاکرێ و بەردەرەش سەرباری کو چار یانە هەنە ل هەردوو قەزا لێ هیچ یاریگەهەکا گونجایی یا 11یاریزانی نەبوویە و هژمارکا پرۆژان دڤی واری دا دهێنە بجهکرن و نوکە هند ژوانا د قوناغا جێبەجێکرنێ دانە کو ب کوژمێ 1 ملیار و 300ملیون دیناران دوارێ وەرزش و لاواندا ل هەردوو قەزایێن ئاکرێ و بەردەرەش ب ناحیاڤە پرۆژە دهێنە ئەنجامدان .