ئاکرێ نیوز:
مزگین سعید سعید ئەندازیارێ جیولوجی ل فەرمانگەها ئاڤا ژێر زەڤی ل قەزا ئاکرێ بۆ ئاکرێ نیوز ددەتە دیارکرن کو عەمبارا ئاڤا ژێر زەڤی ل سنورێ ئاکرێ و بەردەرەش یا دەولەمەندە ب هەبوونا ئاڤا ژێر زەڤی ب رێژەکا زور،ژبەرکو تایبەتمەندیێن باش هەنە بۆ عەمبارکرن و پارانەڤا ئاڤا ژێر زەڤی ل ناڤ پێکهاتێن جیولوجی دا،کو روبەرێ پانیا ڤێ ئاڤێ نزیکی 1200کم دوجا ب رێژا کویراتیا 800م کو دکەڤیتە دناڤبەرا زنجیرا چیایێن ئاکرێ ل باکور و چیایێن بەردەرەش و مقلوب و ل باشور و رویبارێ زێ مەزن ل روژهەلات و رویبارێ خازر ل روژئاڤایێ عەمبارێ.
سەبارەت هژمارا بیرێن ئاڤێ ل سنورێ قەزا ئاکرێ و بەردەرەش ئەندازیاری گۆت کو 1585بیرێن ئاڤێ ل ڤان هەردوو قەزایان هاتینە لێدان، ل قەزا ئاکرێ 510 بیرێن ئاڤێ هاتینە لێدان کو 320 ل وان بیران بۆ ڤەخوارنێ و مفایێن گشتی نە و 190بیر بۆ کشتۆکالێ و پروژێن ئاژەلداریێ هاتینە لێدان.
گۆت هەروەسا ل سنورێ قەزا بەردەرەش 1075 بیرێن ئاڤێ هاتینە لێدان کو 265 بیر بۆ ڤەخۆارنێ و مفایێن گشتی و 810بیر بۆ کشتۆکالێ و پروژێن ئاژەلداریێ هاتینەلێدان.
مزگین سعید ئەندازیارێ جیلوجی زێدەتر گوت کو ب گشتی ئەڤ بیرێن ئاڤێ هاتینە لێدان ل سنورێ هەردوو قەزایێن ئاکرێ و بەردەرەش 30%ێ بۆ مەرەما ڤەخوارنێ و مفایێن گشتی هاتینەلێدان و 70%ێ بۆ مەرەما کشتۆکالێ هاتینە لێدان.