ئاکرێ نیوز:
اسماعیل مستەفا دەڤەردارێ قەزا بەردەرەش کونگرەکێ روژنامەڤانی دا دیارکر کو هەر ل دەستپێکا کابینا نەهێ یا حکومەتا هەرێما کوردستانێ گرنگیەکا مەزن ب پرۆژێن خزمەتگوزاری هاتیەدان ل هەمی دەڤەرێن کوردستانێ ل ڤێ کابینێ دا قەزا بەردەرەش ژی چەندین پرۆژێن خزمەتگوزاری هاتنە ئەنجامدان کو زێدەتری 122 پرۆژێن ستراتیژی هاتینە ئەنجامدان ب کوژمێ زێدەر ل 148 ملیاران کو 70% ئەو پرۆژە تەمامبووینە و هێشتا هندەک پروژە ژی ل ژێر کارکرنێ نە.
دەڤەردارێ قەزا بەردەرەش گۆت ژی ژبلی ڤێ چەندێ هژمارەکا پرۆژان ل سەر سلفێ هەیڤانە هاتینە ئەنجامدان،ئەڤ پروژێن دهێنە جێبەجێکرن پرۆژێن جورا و جورن هەمی سێکتەران بخۆڤە دگرن،کو پلانا مەدا ئەو پرۆژە هاتینە هەلبژارتن کو گرێدایی ژین و ژیارا خەلکی بن،تایبەتی رێگە و بان و پرۆژێن گرێدای باژێرڤانیێ و پرۆژێن ئاڤێ کو پێدڤیەکا زور خەلکی پێدڤی ب ڤان پرۆژان هەیە تایبەت بۆ دەڤەرێن ئاریشە هەی.
اسماعیل مستەفا زێدەتر گۆت کو ل سالا 2007 بەردەرەش بوویە قەزا و دەستپێکا قەزا بوونا بەردەرەش گەلەک کێماسی هەبووینە و مە تیشک ئێخستی یە سەر وان کێماسیان و مە دپلانا خۆدا ئاماژە ب وان کێماسیا کریە و هەتا نۆکە ل بەردەرەش 12فەرمانگەھ دکێمن و دو ل وان ئەڤ سالە دێ هێنە ڤەکرن،ئەڤ کێماسیێن مە هەی لیستەکێ دا مە گەهاندینە نڤیسینگەها سەروک وەزیرێن هەرێمێ کو فەرمانگەهێن دی ژی ل قەزا بەردەرەش بهێنە ڤەکرن،ژبەرکو پێدڤیە زورا خەلکی ب وان فەرمانگەهان هەیە.