ئاکرێ نیوز:
سالانە ل نەمامگەها ئاکرێ رێژەکا زور یا دارێن جوراوجور دهێنە بەرهەمئینان ودهێنە بەلاڤکرن و چاندن کو سالانە پتری 6هزار داران دهێنە چاندن،لێ هێشتا رێژا کەسکاتیێ ل دویف ستاندەردێن جیهانی نیە،پێدڤیە ل 25%ێ کێمترنەبیت کو نها 12%ێ کێمترە.
محمد احمد چولی رێڤەبەرێ هوبا دارستان و پاوان ل ئاکرێ ددەتە دیارکرن کو کارێ مە گرێدایە ب چاڤدانا دارستان و ژینگەهێ، ل ئاکرێ مە دو جورە دارستان هەنە دارستانا سروشتی و یا دەستکرد،هەروەسا مەمنەمامگەھ هەیە سالانە ل ناڤ نەمامگەهێ دا پتری 100هزار داران دهێنە بەرهەمئینان،لێ نوکە ئەڤ رێژە کێمتربوویە.
محمد چولی زێدەتر گۆت کو نها ئەم هەولددەین ئەو دارێن دهێنە بەرهەمئینان یێت مە بخۆ بن وەکی داربەریێ کو بەری نها مە چەندین جهان چاندینە،کو گونجایە بۆ ژینگەها مە ئەگەر چاڤدانەکا باشتر بۆ هەبیت،سالانە هەتا 6هزار داران ئەم ل ئاکرێ و دەوروبەران دچینین ل دویف شارەزایا خۆ کو لدویف ژینگەها مە دگونجایی بن دهێنە چاندن.
رێڤەبەرێ هوبا دارستان و پاوان ل ئاکرێ ئاماژە دا وێ چەندێ کو رێژا کەسکاتیێ ل ئاکرێ 12%ێ کێمترە یا دروست دڤێت ل 25%ێ کێمترنەبیت،ئەو ژی هندەک جاران ل بەردەستکاریان ئاڤاهیان و چێکرنا رێکا و گوهرینێن کەش و هەوای کارتێکرنا خۆ دکەن و گەلەک جاران دهێنە برین و سوتن و هشک دبن،ئەڤە ژی کارتێکرنا خۆ دکەن،لێ مە پلانێن باشتر هەنە بۆ زێدەکرنا رێژا کەسکاتیێ ل ئاکرێ.