کۆمسیۆنا ئیراقێ دبێژیت، ژبەرکو ژڤانێ هەلبژارتنێن پەرلەمانێ هەرێما کوردستانێ و جڤاتێن پارێزگەهێن ئیراقێ نێزیکی هەڤدونە، ئاستەنگی و زەحمەتی هەنە ئەڤسالە هەلبژارتنێن پەرلەمانێ هەرێمێ بهێنە کرن.
داود سلێمان، رێڤەبەریا رێکار و راهێنانێن کۆمسیۆنا بلندا هەلبژارتنێن ئیراقێ گۆت: پلان و ژڤان و بجهئینانا هەموو برگەیێن کرنا هەلبژارتنێن جڤاتێن پارێزگەهێن ئیراقێ گرێدایی هەلبژارتنێن پەرلەمانێ کوردستانێ نە، لەورا هەلبژارتنێن پەرلەمانی فشارەکا ب زەحمەتە ل سەر دەمی.
هەروەسا گۆت: دەمەکێ کێم بۆ ژڤانێ هەلبژارتنان مایە و ئەڤێ یەکێ فشارەکا مەزن ل سەر وان پەیداکریە، ژ بەرکو ل گۆرەی پشتەڤانیا لۆجستی و رەوشا تەکنیکی یا نوکە، گەلەک ب زەحمەتە هەلبژارتنێن پەرلەمانێ کوردستانێ د دەمێ دەستنیشانکری دا بهێنە کرن.
داود سلێمان ئاشکرا ژی کر کو ئالیەتا وەرگرتنا ئەنجامان ژی ئێک ژ ئەگەرانە، ژ بەرکو هەردو پرسەیێن هەلبژارتنان ئەلکترۆنی نە و وەرگرتنا هەردو ئەنجامان ل سەر ئێک سێرڤەر کێشەیە و پێدڤی ب سێرڤەرێن زێدە یە داکو هەردو د دەمێ خۆدا بهێنە کرن.
سەرۆک نێچیرڤان بارزانی ل دوماهیا هەیڤا ئادارێ د مەرسوومەکا سەرۆکاتیێ دا رۆژا 18/11/2023 وەک ژڤانێ هەلبژارتنێن پەرلەمانێ کوردستانێ دیار کریە.